سەرنووچە:

شاندا ھەرێمێ دێ سەردانا بەغدا کەت

فۆتۆ: 
2020-07-04

563 جار خوێندراوەتەوە

وەزیرێ پلاندانانا حکومەتا ھەرێما کوردستانێ ڕاگەھاند، دێ شاندا ھەرێمێ سەردانا بەغدا کەت و دبێژیت ژی، " مە نیەتا لھەڤھاتنێ ھەیە و دخۆازین دگەل بەغدا بگەھین لھەڤھاتنا داویێ و ئەو ئاریشەیێن ناڤبەرا مە ب ھەلاویستی مانە ، بھێنە چارەسەرکرن".

دارا رەشید وەزیرێ پلاندانانا حکومەتا ھەرێما کوردستانێ ڕاگەھاند، شاندا دانوستانکار یا حکومەتا ھەرێما کوردستانێ بۆ دڕێژەدانێ ب گۆتوبێژان و گۆتوبێژێن وان دگەل بەغدا بڕیارە جاڕەک دی ڤەگەرن بەغدا و دەست ب جڤینان بکەن.

ئەو یەک ژی ڕاگەھاند، " دێ لسەر گۆتوبێژێن خۆ بەردەوامبین ھەیا کو دگەھینە لھەڤھاتنا داویێ".

ئاشکرا کر ژی، د جڤینا ۱ێ تیرمەھێ دا جڤاتا وەزیران بڕیار دایە د ناڤەراستا ڤێ حەفتیێ دا شاندا حکومەتا ھەرێما کوردستانێ ڤەگەریت بەغدا ، لێ دارا رەشید ئەڤ یەک پشتراست نەکریە و گۆت، " شاندا مە دێ ڤەگەریت بەغدا لێ دیار نینە چ ڕۆژەکێ".

ڕۆژا ۲٥ ێ ھەزیرانێ شاندا دانوستانکار یا ھەرێما کوردستانێ پشتی چەندین ھەڤدیتن و جڤینان ل بەغدا بێ لھەڤھاتن بۆ ھەولێر ڤەگەریان.