سەرنووچە:

ڤیدیۆ.. ئاگر ب پارکا زاخۆ کەفت

فۆتۆ: 
2020-07-03

354 جار خوێندراوەتەوە

بەڕەڤانیا باژاڕی دهۆکێ ڕاگەهاند، ئاگر ب پارکا زاخۆ کەفت و ب وێ سەدەمێ ژی وەلاتیەک ب سڤکی برینداربوو.

بێوار عەبدولعەزیز بەرپرسێ ڕاگەهاندنا بەڕەڤانیا باژاڕێ دهۆکێ بۆ ئێن ئاڕ تی ڕاگەهاند، دەمژمێر ٨ و ٤٠ خولەکێ ئەڤشەڤە تیمێن وان ل زاخۆ هاتینە ئاگەهدار کرن ب هەبوونا بوویەرەکا ئاگربەربوونێ ل پارکا زاخۆ و پشتی گەهشتنێ ب چەند خولەکەکان ئاگر کۆنترۆلکرنە.

دیارکر ژی، بسەدەما وێ بوویەرا ئاگربەربوونێ وەلاتیەک ب سڤکی برینداربوویە کو دەستێ وی شەوتیە بۆ نەخۆشخانەیێ هاتیە ڤەگوهاستن.

دەربارەی سەدەما پەیدابوونا ئاگری ژی گوت، هەیا نها سەدەم دیارنینە کا ئەو ئاگرە ژ چ پەیدابوویە و تیمێن وان ل جهێ بوویەرێ دەست ب ڤەکۆلینان کرینە.

ئەحمەد زاخۆیی-زاخۆ

س.م