سەرنووچە:

حکومەتێ دەربارەی بەردەوامبوونا لێبڕینا ڕێژەیا ۲۱٪ یا مووچەیێ فەرمانبەران زەلالکرنەک دا

فۆتۆ: 
2020-07-01

678 جار خوێندراوەتەوە

حکومەتا هەرێمێ جڤیا و پشتی جڤینێ ژی پەیڤدارێ حکومەتێ ڕاگەهاند، "ل مەها داهاتی لگۆری داهاتی دێ مووچەی پارڤەکەین و چێدبیت لێبڕینا مووچەی ژ ٢١٪ زێدەتر یان کێمتر بیت".

جوتیار عادل پەیڤدارێ حکومەتا هەرێما کوردستانێ د کۆنفرانسەکا ڕۆژنامەڤانی دا ڕاگەهاند، حکومەتێ بڕیارا کێمکرنا مووچەی ب ڕێژەیا ٣٤٪ێ دابوو لێ قەڕکرنە و کریە ٢١٪". دبێژیت ژی، "ئەو ڕێژەیا ٢١٪ کو ژ مووچەیێ مووچەخۆران هاتیە بڕین تنێ بۆ مەها سباتێ دێ هێتە جبجیکرن".

زەلالکر ژی، ڕێژەیا ٢١٪ کو ژ مووچەخۆران هاتیە بڕین تنێ بۆ ڤێ مەهێ بوو و مەها داهاتی حکومەت لگۆری وی داهاتێ کو بدەست دکەڤیت دێ مووچەی پارڤەکەت و چێدبیت بۆ مەها داهاتی لێبڕین زێدەتر یان کێمتر بیت.

پەیڤدارێ حکومەتێ دیارکری ژی، بڕیارا بڕینا مووچەی بڕیارا پارتی، یەکێتی و گۆڕان بوویە و تنێ بۆ ڤێ مەهێ دبیت.

دەربارەی پارڤەکرنا مووچەی ژی گوت، مەها داهاتی حکومەت لگۆری وی داهاتێ کو بدەست دکەڤیت دێ مووچەی پارڤە کەت، کو ژ فرۆتنا نەفتێ و ناڤخۆ و بەشە بودجەیا بەغدایە.

هەڤدەم، دەربارەی بۆمبەبارانێن سەر هەرێمێ دیارکر، قەبول ناکەن چ هێز و ئالیەک ئاخا هەرێمێ بۆ هەڤڕکیێن سیاسی بکاربینیت و پێدڤیە هێزێن بیانی د ناڤ ئاخا هەرێمێ دا خۆ ڤەکێشن.

س.م