سەرنووچە:

ھەرێم.. دەم و شێوازێ کارکرنا نانپێژیان ھاتە دیارکرن

فۆتۆ: 
2020-06-01

1141 جار خوێندراوەتەوە

وەزارەتا ناڤخۆ دەما شەش ڕۆژان قەدەغەیا ھاتن و چوونا تەمامی ل ھەرێما کوردستانێ ڕاگەھاند و شێواز و کارکرنا نانپێژیان ژی سنوردارکر.

د بەیاننامەکێ دا کو ئیمزایا ڕێبەر ئەحمەد وەزیرێ ناڤخۆیێ ھەرێمێ لسەرە ھاتیە، تەڤاھیا ئەو جھێن کو بەرێ بۆ خزمەتا وەلاتیان ڕێپێ دابوون ژ دەمژمێر ٦ێ ئێڤاریا ئەڤرۆ ١ێ ھەزیرانێ بۆ دەمژمێر ١٢ێ شەڤا ٦ێ ھەزیرانێ دھێنە داخستن، ژبلی دەرمانخانەیێن نوبەدار و نانپێژیان کو بتنێ ژ دەمژمێر ٦ێ سپێدێ ھەیا ١٢ێ نیڤرۆ دھێنە ڤەکرن و پێدڤیە نانی ب دلیڤەریێ بگەھینە وەلاتیان.

زەلالکر ژی، "نابیت د نانپێژیان دا نانی بفرۆشنە وەلاتیان و ھەر نانپێژیەک بنپێکاریێ بکەت ب ڕێیا ژوورا ئۆپەراسیۆنان دێ ڕێکارێن یاسایی لھەمبەر گرنەبەر".

شەڤا دەربازبووئئ وەزارەتا ناڤخۆ ڕاگەھاند، ژ دەمژمێر ٦ێ ئێڤاریا ئەڤرۆ ١ێ ھەزیرانێ ھەیا کو دەمژمێر ١٢ێ شەڤا ٦ێ ھەزیرانا ٢٠٢٠ێ، قەدەغەیا ھاتن و چوونا تڕۆمبێل و ب پیان دبیت.
س.م