سەرنووچە:

تورکیا.. ژبەر گۆھداریکرنا سترانێن کوردی گەنجەکی کورد ھاتە کوشتن

فۆتۆ: 
2020-06-01

473 جار خوێندراوەتەوە

شەڤا دەربازبوویی ل باژارێ ئەنقەرەیێ تورکیا، ژبەر کو گەنجەکێ کورد گۆھداریا سترانێن کوردی کریە، ب کێران (چەقۆ) ھاتیە کۆشتن.

نووچەگەھانا ئێن ئارتی ل باکورێ کوردستانێ ڕاگەھاند، گەنجەکێ کوردێ تەمەن ۲۰ سالی ب ناڤێ (بارش چاکان)ێ خەلکێ دەڤەرا پاتنۆسا باژاڕێ ئاگری، گوھداریا سترانێن کوردی کریە، لێ شەڤا دەربازبوویی ل دەڤەرا ئەتیمەسگوتا باژارێ ئەنقەرێ سێ گەنجێن تورک ھێرشی سەر وی کرنە و ب کێران ھاتیە کوشتیە.

ئەو یەک ژی دادیارکرن، کو چاکان دگەل ھەڤالێن خۆ ل پارکێ گۆھداریا سترانێ کوردی کریە، هەر ب سەدەمێ وان سێ گەنج تورک ھێریشی وی کرنە و کێر (چەقۆ) ل سەر دلێ وی دایە و کوشتیە.

بەحسا وێ یەکێ ژی کر، ئەو سێ کەسێن کو هێرش ئەنجامداین ژ ئاللیێن پۆلیسان ڤە ھاتنە دەستەسەرکرن، ڤەکۆلین دگەل دا دهێتە کرن.

پشتی بەلاڤبوونا ڤێ نووچەیێ ژی، کارڤەدانا وەلاتیان د ناڤخۆیا تورکیێ و باکورێ کوردستانێ لپەی بوو و د توڕێن جڤاکی دا هەوەکا بەرفرەهـ بۆ ئیدانەکرن و ب سزاگەهاندنا تۆهمەتباران هاتیە دەستپێکرن.

گۆلستان کۆربان، باکورێ کوردستانێ