سەرنووچە:

مفایێ چایێ بۆ ژنان چیە؟

فۆتۆ: 
2020-06-01

226 جار خوێندراوەتەوە

زانایێن سوێدی دیار دکەن کو ڤەخوارنا چایێ مفایەکێ زۆر بۆ ھەموویان ھەیە و ب تایبەتی بۆ ژنان.

ل زانکۆیا ئۆپسالا یا سوێدی ڤەکۆلینەکا زانستی ل بارێ ڤەخوارنا چایێ ھاتیە ئەنجامدان.

ئەڤ ڤەکۆلینە ل ‌سەر سێ ھزار ‌کەسان ھاتیە ئەنجامدان،یێن کو رۆژانە ب شێوەیەکێ بەرچاڤ چایێ ڤەدخون.

وێ ڤەکۆلینێ دەرخستیە کو ڤەخوارنا چایێ کاریگەریەکا ئەرێنی ل ‌سەر دابەزینا رێژەیا تووشبوونێ ب پەنجەشێرێ و چالاککرنا پرۆسەیا خوارنێ و ب تایبەتی ل دەف ژنان ھەیە،ھەروەسا تێبینیا ھندێ ژی کریە،کو قەھوێ ئەو مفا تێدا نینن ھەکە بھێتە بەراوردکرن ل گەل چایێ.

زانایێن وێ زانکۆیێ گەھشتینە وی ئەنجامی کو د ڤەخوارنا چایێ دا ھندەک ماددە ھەنە کو تایبەتن ب دژی ئۆکسانێ،ئەڤ ماددە ب شێوەیەکێ بەرچاڤ کاریگەریێ ل ‌سەر جەستەیێ ژنان و گوھۆرینێن رژێنی و رێیەکا کاریگەر ل سەر رژتنا ئسترۆجینێ ژنان دروست دکەت، کو سەر ئەنجام کاریگەریەکا ئەرێنی ل سەر جەستەیێ ژنان دبیت.