سەرنووچە:

شێخان.. د بوویەرەکا هاتن و چوونێ دا کەسەکی ژیانا خۆ ژ دەست دا

فۆتۆ: 
2020-06-01

337 جار خوێندراوەتەوە

دیجیتال میدیایا ئێن ئاڕ تی، شێخان، تائیف گۆران

ئەڤشەڤە، ل نێزیک کۆمەلگەها چرە ترۆمبێلەکێ خۆ ل ستونەکا کارەبێ دایە و د ئەنجامدا کەسەکێ ژیانا خۆ ژ دەستدا و چارێن دی ژی برینداربوون.

ئازاد تەهاپەیڤدارێ هاتن و چوونا دهۆکێ بۆ دیجیتال میدیایا ئێن ئاڕ تی ڕاگەهاند، ل دەمژمێر ٧:٣٠ێ ئەڤشەڤە، ٣١ێ هەزیرانا ٢٠٢٠ێ، ل سنورێ قەزا شێخان و نێزیک کۆمەلگەها چرە ترۆمبێلەکێ خۆ ل ستونەکا کارەبێ دایە و د ئەنجامدا کەسەکێ ژیانا خۆ ژ دەستدایە و چارێن دی ژی برینداربوون.

بەحسا وێیەکێ ژی کر، ترۆمبێل ژ جۆرێ كه‌یا سیراتۆ تایبەت بوویە و دبن كونترولا شوفێری ده‌ركه‌فتیە و خۆ ژ ستونەکا کارەبێ دایە،زێدەباری زەرەرێن جانی، زەرەرێن زۆرێن ماددی ژی بەرترۆمبێلێ کەفتنە.

پەیڤدارێ حکومەتا هەرێمێ سباتا ئەڤسالە ڕاگەهاند، ل ٢٠١٩ێ زێدەتری ٤هزار و٤٠٠ بوویەرێن هاتن و چوونێ ل هەرێمێ ڕووداینە و ب وێ سەدەمێ ژی ٥٧٥ کەسان ژیانا خۆ ژدەستداینە و زێدەتری ٦ هزار و٨٠٠ کەسێن دی برینداربوونە.