سەرنووچە:

هەرێم.. چارەنڤیسێ ٤٠٠ ملیارێن کو بەغدا شاندین هاتە ئاشکراکرن

فۆتۆ: 
2020-05-31

1932 جار خوێندراوەتەوە

ژێدەرەکێ نێزیک ژ حکومەتا هەریمێ بۆ میدیایێن عێراقێ ڕاگەهاندیە، حکومەتا هەریمێ کۆژمێ ٢٠٠ ملیاران ژ کۆژمێ ٤٠٠ ملیار دینارێن کو بەغدا بۆ شاندین، بۆ قەڕێن کۆمپانیایان خەرجکرینە.

ئەڤرۆ یەکشەمبیێ ژێدەرەکێ نێزیک ژ حکومەتا هەرێمێ بۆ میدیایێن عێراقی ڕاگەهاندیە، حکومەتا هەرێمێ قەرداری کۆمپانیێن بیاڤێ نەفت و وەبەرئینانێیە و کۆژمێ ٢٠٠ ملیار دیناران ژ کۆژمێ ٤٠٠ ملیارێن کو بەغدا شاندین، وەک شایستەیێن دارایێن کۆمپانیان خەرجکریە.

دایەزانین ژی، خەرجکرنا وان ٢٠٠ ملیار دیناران، دبیتە ئاریشە د پارڤەکرنا مووچەیێ مەها سباتا ٢٠٢٠ێ یێ فەرمانبەرێن هەرێمێ دا.

ڕۆژا ٢٩ێ ڤێ مەهێ، بەغدا ٤٠٠ ملیار دینارێن خۆ لسەر هەژمارا بەنکیا وەزارەتا دارایی و ئابوریا هەرێمێ دانا و بڕیارە ژی دگەل هەموو بەنکان جڤین بهێتەکرن بۆ چاوانیا پارڤەکرن و راگەهاندنا لیستا نوویا مووچەی، ئەو موچەیێ دهێتە دان یێ مەها سباتا ئەڤسالەیە.

ل ناڤەڕاستا مەها ئادارا ئەڤ سالە، ئەمیندارێ گشتیێ جڤاتا وەزیرێن عێراقێ ب نڤیسارا فەرمی و ژبەر ڕادەستنەکرنا ٢٥٠ هزار بەرمیلێن نەفتا ڕۆژانەیا هەرێمێ بۆ بەغدا، پارەیێ مووچەیێ فەرمانبەرێن هەرێمێ د لقا هەولێرێ یا بەنکا ناڤەندیا عێراقێ دا بلۆکر، ڕێ نادەت هەرێم وی پارەی بۆ پارڤەکرنا مووچەی بکاربینیت و ب وێ سەدەمێ ژی پارڤەکرنا مووچەی گیرۆبوویە.

س.م