سەرنووچە:

ئێن ئاڕ تى داوی زانیاریان دەربارەی ٤٠٠ ملیارێن بەغدایێ ئاشکرا دکەت

فۆتۆ: 
2020-05-29

891 جار خوێندراوەتەوە

ژێدەرەکێ ژ وەزارەتا دارایی بۆ ئێن ئاڕ تى راگەهاند، حکومەتا عێراقێ ٤٠٠ ملیار دیار ئێخستینە سەر هەژمارا بانکا وەزارەتا دارایی و بریارە د ڤێ حەفتیێ دا لیستەکا نوو یا مووچەیی بهێتە راگەهاندن.

لگۆڕەی زانیاریێن نوچەگەهانێ ئێن ئاڕ تی، بەغدا ٤٠٠ ملیار دینارێن خۆ ئێخستنە سەر  هەژارەیا بەنکی یا وەزارەتا دارایی و ئابوریا هەرێمێ و بڕیارە سوبەهی دگەل هەموو بەنکا بجڤن  بۆ چەوانیا پارڤەکرن و راگەهاندنا لیستا نوویا مووچەی، ئەو موچەیێ دێهتە دان یێ مەها سباتا ئەڤسالەیە.

بەحسا وێیەکێ  ژی کریە، ل ڤێ حەفتی وەزارەتا دارایی دێ لیستا نوویا مووچەی ڕاگەهینیت و بڕیارە هەڤئاوایێ مەهێن دەربازبووی یەکەم وەزارەت کو مووچە پێ بهێتە دان، وەزارەتا ناڤخۆیە، لێ وەزارەتێن دی  دێ گۆهڕانکاری بسەر ئێت و لیستا نوویا ماموستایان ژی بهێتە پیشخشتن.

د نها دا فەرمانبەرێن کوردستانێ د ناڤ مەها گۆلانێ دانە، لێ هەیا نها مووچەیێ مەها سباتا ٢٠٢٠ێ وەرنەگرتنە.

د ناڤەراستا مەها ئادارێ دا، ئەمیدارێ گشتی یێ جڤاتا وەزیرێن عێراقێ ب نڤیسارەکا فەرمی و ب سەدەمێ ڕادەستنەکرنا ٢٥٠ هزار بەرمیلێن نەفتێ یێن رۆژانەیا حکومەتا هەرێمێ ب بەغدا، مووچەیێ فەرمانبەرێن هەرێمێ ل لقا هەولێرێ یا بەنکا ناڤەندا عێراقێ ڕاگرت(بلۆکر) و رێ ب هەرێمێ نەهاتە دان وی پارەی بۆ پارڤەکرنا مووچەی بکاربئینیت.

ل ٢٢ێ ڤێ مەهێ، مستەفا کازمی، سەرۆک وەزیرێن عێراقێ ئیمزا لسەر مەزاختنا وان ٤٠٠ ملیار دیناران کر، لێ بەحسا وێیەکێ کربوو، شاندنا وی پارەی دکەڤیتە پشتی پارڤەکرنا مووچەیێ تەڤاهیا وەزارەتێن عێراقێ.