سەرنووچە:

لیژنەیا دارایی یا پەرلەمانێ عێراقێ دەربارەى مووچەیێ فەرمانبەران هایداریەک دا

فۆتۆ: 
2020-05-29

1266 جار خوێندراوەتەوە

لیژنەیا دارایی یا پەلەمانێ عێراقێ راگەهاند، نابیت حکومەتا نوو یا ولاتی دەست ب کێمکرن و دەستکاریکرنا مووچەیێ فەرمانبەران و خانەنشینان بکەن و گوت ژى، "پێدڤیە  جهگرەکێ بۆ وی بابەتى ببینن".

ئەڤرۆ ئەینیێ، حەنین قەدۆ، ئەندامێ لیژنەیا دارایی یێ پەرلەمانێ عێراقێ راگەهاند، ئەو وەک لیژنەیا دارایی هەمی بزاڤ کرینە بۆ وێ یەکی کو دەستکاریا مووچەیێ فەرمانبەرێن دەولەتێ و خانەنشینان نەهیتە کرن.

راگەهاند ژى، پتریا مووچەخوران و خانەنشینێن عێراقێ قەردارێن مال و خانیانە و ب کێمکرنا مووچەیێن وان دێ زیانێن مەزن گەهنە وان.

بەحس ژى کر، پیشنیار بۆ حکومەتا مستەفا کازمی کریە کو جهگرەکێ گونجایی بۆ کورتئینانا بوودجەیێ ببینن، دەستکاریکرنا مووچەیێ مووچە خوارن هێلا سورە.

بەرى نها ژى، لیژنەیا دیفچوونا بوودجەی پێشنیارا کێمکرنا مووچە و دەرمالێن فەرمانبەران پێشنیارەک بۆ سەرۆک وەزیرێ بەرێ یێ ولاتی هاتیە کرن، ب ئاوایەکێ بۆ فەرمانبەرێن ئاسایی ٥٠% و پلەیێن بلند ٧٥% دەرمالەیێن وان بهێنە کێمکرن.