سەرنووچە:

ساخلەمیا دهۆکێ ئاگەهداریەک بەلاڤکر

بۆ وان کەسێن ل بەغدا ڤەگەڕیاین
فۆتۆ: 
2020-05-29

4835 جار خوێندراوەتەوە

ساخلەمیا دهۆکێ ڕاگەهاند، داخوازێ ژ وان کەسان دکەت کو ل ڕۆژا ١٤ێ ڤێ مەهێ و ڕۆژێن دیڤدا ڤەگەڕیاین بلا پشکنینا کۆرۆنایێ بکەن.

رێڤەبەریا گشتییا ساخلەمیا پارێزگەها دهۆکێ ڕاگەهاند، "هەر کەسەک (زێرەڤان یان مەدەنی) بیت ژ ڕۆژا ١٤/٥/٢٠٢٠ و ڕۆژێن دیڤدا ژ بەغدا ڤەگەڕیاین، بلەزترین دەم سەرەدانا نەخۆشخانا کاڤین ل پشت نەخۆشخانا ئازادی بکەن بۆ ئەنجامدانا پشکنینێن ڤایرۆسا کۆرۆنایێ covid-19، بۆ پشتراستبوون و پاراستنا خێزان و جڤاکی ژ ڤێ نەخۆشیێ".

ئەڤە ژی دەمەکێ دایە، د چەند ڕۆژێن دەربازبوویی دا حەفت حالەتێن توشبوون ب کۆرۆنایێ ل سنورێ پارێزگەها دهۆکێ هاتنە دەستنیشانکرن، کو هەموو ل بەغدا ڤەگەڕیابوون، پشتی ڤێ یەکێ ژی ئالیێن پەیوەندیدار ڕێکار توندکرن و هند جهـ ئێخستنە د کەرەنتینەیێ دا، دەست ب پشکنینا بەرکەفتیێن وان کەسان کرن.

س.م