سەرنووچە:

وەزارەتا ناڤخۆیا هەرێمێ دەربارەی دەواما فەرمانگەهان زەلالکرن دا

فۆتۆ: 
2020-05-29

3584 جار خوێندراوەتەوە

ڕێڤەبەرێ گشتیێ دیوانا وەزارەتا ناڤخۆیا هەرێمێ ڕاگەهاند، چ گۆهەڕتنەک بسەر دمژمێرێن دەواما فەرمانبەران دا نەهاتیە. دبێژیت، "هەر وەزارەتەک بخۆ بڕیارێ ددەت کو چاوا و ب چ ئاوایەکێ دەوامێ دکەت".

دەربارەی دەنگۆێ گۆهەڕتنا دەواما فەرمانبەران ب دەستپێکرنێ ژ ٨ و ٣٠ خولەکێن سپێدێ هەیا کو ١ێ پشتی نیڤرۆ و هەڤدەم، بتنێ دەوامکرنا ڕێڤەبەران و بەرپرسێن بەشێن فەرمانگەهان د ڕۆژێن پێنجشەمبیێ دا، سامی جەلال ڕێڤەبەرێ گشتیێ دیوانا وەزارەتا ناڤخۆیا هەرێمێ بۆ ئێن ئاڕ تی ڕاگەهاند، "هایداری چ بڕیارەکا وەسا نینین و دەواما وەزارەتا مە ژی ب وی رەنگی نینە، بەلکو هەر ب وی ئاواییە کو وەزارەتا ناڤخۆ ل دەستپێکا ڤێ مەهێ ڕاگەهاند".

پێشتر و ل ڕێکەفتی ١٠ێ ڤێ مەهێ، وەزارەتا ناڤخۆیا هەرێمێ ڕاگەهاند، کو دەواما ئاساییا فەرمانبەران بۆ ڕۆژێن یەکشەمبیێ هەیا چارشەمبیێ، ل دەمژمێر ٩ێ سپێدێ بۆ دەمژمێر ١ێ پشتی نیڤرۆ دبیت. هەڤدەم، بۆ ڕۆژێن پێنجشەمبیێ ژی ل دەمژمێر ٩ێ سپێدێ هەیا دەمژمێر ١٢ێ نیڤرۆ دبیت.

س.م