سەرنووچە:

پێنج نیشان ئاماژەنە بۆ نەخۆشیا شەکرێ

فۆتۆ: 
2020-05-29

375 جار خوێندراوەتەوە

نۆژداران بەحسا کۆمەکا نیشانان کریە کو ئاماژەن بۆ بلندبوونا ڕێژەیا شەکرێ د خوینێ دا، لێ گەلەک کەس گرنگیێ ب ڤان نیشانان نادەن و پشتگۆهـ دئێخن.

لگۆری ڕووپەلا " Express" نۆژداران بەحسا وان نیشانان کرنە کو دبیت ئاماژەبن بۆ بلندیا شەکرێ، کو ئەڤە یا مەترسیدارە و نابیت بهێنە پشتگوهـ خستن، ئەگەر چارەسەر نەکەن دێ گەشەکەت.

ژ دیارترین نیشانان ئەڤەنە:

١. تێکچوونا خەوێ:

ئەوە کو کەس هەست ب خەوکیێ دکەت، خەوا وی ناهێت.

٢. ڕەنگێ پیستی دهێتە گۆهڕین:

گۆهەڕتنا ڕەنگێ پیستی یان دەرکەفتنا خالێن ڕەش لسەر پیستی کو ئاماژەیە بۆ تێکچوونا ئەنسۆلینا د خوینێ دا.

٣. تێکچوونا دیتنێ:

دیتن لاواز دبیت، تەلخی دروست دبیت ئەڤە ژی دەمەکێ دا کو ڕێژەیا شەکرێ بلند بیت، وەرمینا دەردورا چاڤی هندەک جاران پەیدا دبیت.

٤. هشکبوونا پیستی:

دگەل پێشڤەچوونا نەخۆشیا شەکرێ پیست نەرمیا خۆ ژ دەست ددەت و هشک دبیت و ژبەر تێکچوونا زڤڕۆکا خوینێ دخوریێت.

٥. لاوازبوونا شیانێن سێکسی:

بلندبوونا ڕێژەیا شەکرێ د خوینێ دا دبیتە سەدەما لاوازبوونا شیانێن سێکسی و هشکبوونا ئەندامێ زاوزێیێ ژنان و زەرەر گەهشتن ب  دەماران و بوڕیێن خوینێ.

س.م