سەرنووچە:

ترەمپ داخوازا بلەزکرنا ڤەکۆلینا کۆشتنا زەلامێ ڕەشپیست کر

فۆتۆ: 
2020-05-28

241 جار خوێندراوەتەوە

سەرۆکێ ئەمریکا داخوازکر ڤەکۆلینا تایبەت ب کۆشتنا زەلامێ ڕەشپیست ژ ئالیێ پۆلیسان ڤە بلەزتر بکەن.

دۆنالد ترەمپ سەرۆکێ ئەمریکا ، د تویتەکێ دا نڤیسایە، " دڤێت ڤەکۆلینا تایبەت ب کۆشتنا جۆرج فلۆید ئەو گەنجێ ڕەشپیست ، کو د دەما دەستەسەرکرنێ دا ژ ئالیێ پۆلیسەکێ ڤە هاتە خەندقاندن، بهێتە بلەزکرن".

ئاماژە ب وێ یەکێ ژی کریە، " د چارچۆڤەیێ داخوازا مە دا دەزگەهێ ڤەکۆلینێن فیدرالی FBI و وەزارەتا داد ڤەکۆلینەکا باش لسەر کۆشتنا جۆرج فلۆید کریە و من داخۆازا بلەزکرنا ڤەکۆلینێ کریە".

هەڤدەم ، سەرۆکێ ئەمریکا هەڤخەمیا خۆ بۆ بنەمالا وی ڕەشپێستی دەربریە ، سۆز دایە و تەکەزکریه کە یاسا دێ ئەرکێ سەر ملێن خۆ جێبەجێ کەت.

د چەند ڕۆژێن دەربازبوویی دا ل ویلایەتا مینی سۆتا یا ئەمریکا زەلامەکێ ڕەش پێست ژ ئالیێ چەند پۆلیسان ڤە هاتە دەستەسەر کرن ، پشتی کو پۆلیس وی زەلامی دئێخیتە سەر زکی بۆ کەلەمچەکرنێ ، یەک کابێ پیێ خۆ دئێخیتە سەر ستویێ زەلامێ رەشپێست و ئەو یەک ژی بسەدەما ژیان ژدەستدانێ هاتە دانان.