سەرنووچە:

شێخان.. بەشەک ژ جوتکاران خرڤەبوون و ڕێیا سەرەکیا ناڤبەرا دهۆک-هەولێر داخستن

ژبەر درەنگ گەهشتنا تیمێن ئاگرڤەمراندنێ بۆ سەر زەڤیێن وان کو ئاگربەربوویێ
فۆتۆ: 
2020-05-28

1299 جار خوێندراوەتەوە

بەریا دەمەکێ بەشەک ژ جوتکارێن کۆمەلگەها مەهەت ل سنورێ قەزا شێخان، ژبەر درەنگ گەهشتنا تیمێن ئاگرڤەمراندنێ بۆ سەر زەڤیێن وان کو ئاگربەربوویێ خرڤەبوون و بۆ دەمەکێ ڕێیا سەرەکیا ناڤبەرا دهۆک-هەولێر داخستن.

نووچەگەهانێ ئێن ئاڕ تی ڕاگەهاند، ئەڤرۆ ئاگر ب دەخلودانێ جوتکارێن کۆمەلگەها مەهەت کەفت و نێزیکی ٤٥ دونمێن گەنمی شەوتین، ژبەر گیرۆبوونا تیمێن ئاگرڤەمراندنێ خوادنێن وان عەردان هاتینە سەرجادەیێ و نەڕازیبوونا خۆ نیشانددەنە.

هەڤدەم، یەک ژ جوتکارێن نەڕازی بۆ ئێن ئاڕ تی ڕاگەهاند، ئەو داخواز دکەن تیمەکا ئاگرڤەمراندنێ ل کۆمەلگەها وان بهێتە دانان، ئەگەر ن  دێ بەردەوام بن لسەر نەڕازیبوونێن خۆ هەتا داخوازیا وان دهێتە جیبجیکرن.

سالانە دگەل هاتنا وەرزێ هاڤینێ و پێگەهشتنا بەرهەمێن وەلاتیان بوویەرێن ئاگربەربوونێ پەیدا دبن، جوتکار ژی یەک ژ سەدەمێن گەلەک شەوتینا دەخلودانێ خۆ ژبۆ بەرهەڤنەبوون و درەنگ گەهشتنا تیمێن ئاگرڤەمراندنێ ڤەدگەڕینن.

تائیف گۆران-دهۆک

س.م