سەرنووچە:

بەرپرسەکێ یەکگرتوو: درێژکرنا دەما قەدەغەیا هاتن و چوونێ بۆ ڕێگرتنێیە ژ خۆنیشاندانان

؛دلگرانی و نەرازیبوونا جەماوەری هەموو سنورەک دەربازکرنە
فۆتۆ: 
2020-05-28

268 جار خوێندراوەتەوە

سەرۆکێ جڤاتا سەرکرداتیا یەکگرتوویا ئیسلامی ڕاگەهاند، درێژکرنا دەما قەدەغەیا هاتن و چوونێ د ناڤبەرا پارێزگەهان دا بۆ ڕێگرتنێیە ژ خۆنیشاندانێن وەلاتیان.

هادی عەلی سەرۆکێ جڤاتا سەرکرداتیا یەکگرتوویا ئیسلامی د تویتەکێ دا ڕاگەهاند، درێژکرنا دەما قەدەغەیا هاتن و چوونێ د ناڤبەرا پارێزگەهێن هەرێمێ دا ژبەر ڤەگۆهاستنا ڤایرۆسێ کۆرۆنایێ نینە ، بەلکی ژبەر ڕێگرتنێیە ژ ڤەگۆهاستنا خۆنیشاندان و نەرازیبوونێن وەلاتیانە.

ئاماژە ب وێیەکێ ژی کریە، درێژکرنا دەما قەدەغەیا هاتن و چوونێ د ناڤبەرا پارێزگەهان دا کارەکێ لۆژیکی نینە ، ژبەر کو دلگرانی و نەرازیبوونا جەماوەری هەموو سنور دەربازکرنە.