سەرنووچە:

هەولێر.. نەهـ توشبوویێن نوویێن کۆرۆنایێ هاتنە تۆمارکرن

فۆتۆ: 
2020-05-28

207 جار خوێندراوەتەوە

ساخلەمیا هەرێمێ راگەهاند، نەهـ حالەتێن توشبوون ب ڤایرۆسێ کۆرۆنایێ ل باژارێ هەولێرێ هاتنە تومارکرن، کو پێنج ئەندامێن یەک خێزانن و ژ تورکیا ڤەگەڕیاینە.

ئەڤرۆ چارشەمبیێ وەزارەتا ساخلەمیا ھەرێمێ ڕاگەھاند، "د بەردەوامیا پشکنین و گەریان لدیف گۆمانلێکریان، نەهـ توشبوویێن دییێن کۆرۆنایا نوو COVID-19 ل پارێزگەها هەولێرێ ھاتنە دەستنیشانکرن، کو زەلامەکێ تەمەن ٣٨ سال و دوو ژنێن تەمەن ٣٩ و ٣٢ سال و کچەکا تەمەن ١٥ سال و دوو کوڕێن تەمەن ١٧ و ١٦ سال و سێ زارۆک ب تەمەنێن ١١، حەفت و سێ سالینە".

دازانین ژى، "پێنج ژ توشبوویان ئەندامێن یەک خێزانن و ل ولاتێ تورکیا ڤەگەڕیانە و د کەرەنتینەیێ دابوون، ئاکنجیێن هەولێرێنە.

بەحسا وێ یەکێ ژی کر، "سێ ژ توشبوویێن دی بەرکەفتیێن توشبوویێن بەرێنە و ئاکنجیێن ناحیەیا عەنکاوەن، توشبوویێ دی ژی هەر ئاکنجیێ باژاڕێ هەولێرێیە و ژبەر هەبوونا نیشانان هاتیە دەستنیشانکرن".

لگۆری داویی ئاماران، هەیا نها ٥٣٢ کەس د هەرێمێ دا توشی ڤایرۆسێ کۆرۆنایێ بوونە، ژ وێ هەژمارێ ژی ٤٠٧ کەس چێبووینەڤە، هەڤدەم پێنج کەسان ژی ژیانا خۆ ژدەستدانە.

س.م