سەرنووچە:

گروپێ پارێزەرێن خۆبەخش: ڕاگرتنا بەدەل بەرواری یا نها چ بنیاتەکێ یاسایی نەبوویە

فۆتۆ: 
2020-05-27

479 جار خوێندراوەتەوە

سەرپەرشتێ گروپێ پارێزەرێن خۆبەخش ڕاگەهاند، کەیسا نها یا کو بەدەل بەرواری لسەر هاتیە ڕاگرتن بێ بنیاتێ یاسایی بوویە، ژبەر ڤێ یەکێ ژی ڕاگرتنا وی گومانا بڕیارێن سیاسی و ئیداری ل دەف وان پەیداکریە.

خەتاب عومەر سەرپەرشتێ گروپێ پارێزەرێن خۆبەخش و یەک ژ پارێزەرێن کەیسا مامۆستا بەدەل بەرواری بۆ دیجیتال میدیایا ئێن ئاڕ تی ڕاگەهاند، کەیسا یەکێ کو بەدەل بەرواری پێ هاتبوو توهمەتبارکرن پشکداریکرنبوو د خۆنیشاندانێن بێ مۆلەت دا، دەمەکێ دا پشکداری نەکربوو، یا دی ژی ب تۆهمەتا خرابکارئینانا تورێن جڤاکی بوویە.

دیارکر ژی، کەیسا یەکێ ل گورەی یاسایا ژمارا ١١ یا سالا٢٠١٠ێ رێکخستنا خۆنیشاندانا ل هەرێمێ بوویە، لێ دادگەهێ بڕیارا ب کەفالەت ئازادکرنێ بۆ دەرکر.

دازانین ژی، "پشتی نەمانا دەواما فەرمی و ژ نشکەکێ ڤە ناڤبری هاتیە ئاگەهدارکرن کو کەیسەکێ دی ب تۆهمەتا خرابکارئینانا تورێن جڤاکی ل گورەی بەندێ دوویێ ژ یاسا خراب کارئینانا ئەلکترونیاتا هاتیە راگرتن، بێ هەبوونا چ بریارەکا پێشوەخت".

خەتاب عومەر، دازانین ژی، "مامۆستا بەدەل هەردوو توهمەتێن خۆ رەتکرینە، ئەو بەلگەیێن کو بۆ کەیسا دوویێ ژی هاتینە پێشکەشکرن، شایستە و باوەرپێکری نەبووینە و راگرتنا وی یا نها د بنەڕەت دا نەیاساییە.

بەحسا وێ یەکێ ژی کر، "راگرتنا مامۆستا بەدەل گومانا بریارێن سیاسی و ئیداری ل دەف وان دروستکرینە و دەستخستن دناڤ دەستهەلاتا دادوەری دا، ب مەترسیەکا جدی ل سەر سمعەتا هەرێمێ دزانن".

س.ع