سەرنووچە:

عێراق.. زۆرترین هەژمارا توشبوون ب کۆرۆنایێ هاتە تۆمارکرن

فۆتۆ: 
2020-05-27

229 جار خوێندراوەتەوە

وەزارەتا ساخلەمیا عێراقێ راگەهاند، د ٢٤ دەمژمێرێن دەربازبووى دا ٢٨٤ حالەتێن نوویێن توشبوون ب ڤایرۆسێ کۆرۆنایێ و ٥٢ چێبوونەڤە و شەش ژیان ژ دەستدان هاتنە تۆمارکرن.

ئەڤرۆ چارشەمبیێ، وەزارەتا ساخلەمی و ژینگەها عێراقێ راگەهاند، "د ٢٤ دەمژمیرێن دەربازبووی دا ٢٨٤ حالەتێن نوویێن توشبوون ب کۆرۆنایێ هاتنە تۆمارکرن، ب ئاوایەکی ٢٥٧ ل بەغدا، پێنج ل نەجەف، چار ل دیالە، چار ل واست، سێ ل بەسڕا، سێ ل کەربەلا، سێ ل کەرکوکێ، دوو ل سەلاحەدین، یەک ل دیوانیە، یەک ل میسان و یەک ژی ل زیقار".

بەحسا وێیەکێ ژی کریە، "شەش کەسان ب وێ نەخۆشیێ ل بەغدا ژیانا خۆ ژ دەستداینە"

دیارکریە ژی، "٥٢ کەسێن دی چێبووینەڤە، کو ٣٣ ل بەغدا، ١٠ ل دیالە، پێنج ل بەسڕا، دوو ل میسان و دوو ل ئەنبار".

لدیف داوی ئاماران، هەیا نها پێنج هزار و ١٣٥ کەس ل عێراقێ توشی ڤایرۆسێ کۆرۆنایێ بووینە و ژ وێ هەژمارێ ژى ١٧٥ کەسان ب وێ نەخۆشیێ ژیانا خۆ ژ دەستداینە و دوو هزار و ٩٠٤ کەس ژى چێبووینەڤە.

س.م