سەرنووچە:

زاخۆ.. شەر د ناڤبەرا دوو مالبات دا روودا و دئەنجام دا چار کەس بڕینداربوون

فۆتۆ: 
2020-05-27

3539 جار خوێندراوەتەوە

شەڤا دەربازبوویی ل قەزا زاخۆ ب سەدەما ئاریشەکا جڤاکی شەر د ناڤبەرا دوو مالباتان دا روودا و د ئەنجام دا چار کەس بڕینداربوون.

ئەمیر عەلی بەرپرسێ ڕاگەھاندنا ساخلەمیا زاخۆ بۆ ئێن ئاڕ تی ڕاگەھاند، درەنگیا شەڤا دەربازبوویی چار بریندار بۆ نەخۆشخانەیا زاخۆ هاتنە ڤەگەهاستن کو ب کێران و گولەیان بریندارببوون.

هەڤدەم دەربارەی چاوانیا ڕوودانا بوویەرێ، نووچەگەهانێ ئێن ئاڕ تی ڕاگەهاند، دەمژمێر ۲ێ شەڤا دەربازبوویی ب سەدەما ئاریشەکا جڤاکی ل تاخەکێ زاخۆ شەر ب کێران د ناڤبەران دوو مالباتان دا دروستبوویە و دوو کەس بڕیندار بوونە، پشترا گەنجەکێ یەک ژ وان دوو مالباتان ب گۆلەیان ھێرشێ دکەت و کەسەکێ دی بڕیندار دکەت.

دیارکریە ژی، پشتی کو وی گەنجی گۆلە بەرداینە وێ مالا کو ئاریشە دگەل ھەی و کەسەک بڕیندار کری، گۆلە بەر مالا جیرانێن وێ مالباتێ دکەڤیت و زارۆکەکێ ۱۰ سالی ژی بڕیندار دبیت.

دازانین ژی، ئالۆزیا وان مالباتان ژ ئالیێ پۆلیسان ڤە ھاتیە کۆنترۆلکرن، پەرەیێن ڤەکۆلینێ بۆ وێ بوویەرێ ھاتنە ڤەکرن.

 دەربارەی ڕەوشا ساخلەمیا وان چار برینداران ژی ساخلەمیا زاخۆ گوت، یەک ژ برینداران نەشەرگەری بۆ هاتیە کرن و د نها دا ڕەوشا هەموویان یا جێگیرە.

ئەحمەد زاخۆیی، زاخۆ