سەرنووچە:

ئەمریکا کوشتنا دوو سەرکردێن داعشێ ڕاگەھاند

فۆتۆ: 
2020-05-23

177 جار خوێندراوەتەوە

فەرماندێ ناڤەندا ئەمریکا ڕاگەھاند، لسەر دەستێ ھەڤپەیمانان ب سەر کردایەتیا ئەمریکا ب ھەڤبەشی دگەل ھێزێن سوریا دیموکرات(ھەسەدە) دوو سەرکردێن داعشێ ل ڕۆژھەلاتا سوریا کوشتنە.

ڕۆپەلا سکای نیوز بەلاڤکریە، فەرماندەیێ ناڤەندا ئەمریکا ڕاگەھاندیە، یەک ژ سەرکردێن کوشتی یێ داعشێ، ئەحمەد عیسا ئیسماعیل ئەلزاوی، کو والێ داعشێ بوویە ل باکورێ بەغدا یێ دی ژی ئەحمەد عەبدول محەمەد حەسەن ئەلجەغێفی، بەرپرسێ کارۆبارێ دابینکرن و ڤەگۆھاستنا چەک و تەقەمەنیان بوویە ل عێراق و سوریا.

د ڕاگەھاندنا فەرماندەیێ ناڤەندا ئەمریکا دا ھاتیە، ئەو دوو سەرکردێن داعشێ ل دەڤەرا دێرەزوور یا سوریا و د ئۆپەڕاسیۆنەکا ھەڤبەشا ھێزێن ھەڤپەیمانان و ھێزێن سوریا دیموکرات(ھەسەدە) دا ھاتنە کوشتن.

بەحسا وێیەکێ ژی ھاتیەکرن، ھێزێن ھەڤپەیمانان ل عێراق و سوریا بەردەوامن ژ گڤاشتنێن سەر داعشێ ھەیا کو ڕێگریێ ژ ڤەگەڕیانا وان بھێتەکرن.
ھەرچەندە ل ٢٠١٨ێ ب فەرمی داوی ھاتنا خەلافەتا داعشێ ھاتە ڕاگەھاندن، لێ لڤینێن وێ ڕێکخراوێ ل دەڤەرێن جودا ماینە.