سەرنووچە:

وەزارەتا ناڤخۆیا هەرێمێ چەند بڕیاریێن نوو دەرکرن

فۆتۆ: 
2020-05-23

909 جار خوێندراوەتەوە

وەزارەتا نافخۆ یا ھەرێمێ چەند بریارێن نوو تایبەت ب قەدەغەیا ھاتن و چوونێ د ڕۆژێن جەژن دا ڕاگەھاند و بەحسکر د دووەم رۆژا جەژنێ دا ئاسانکاری دێ بۆ ئیش و کارێن پێدڤی یێن وەلاتیان ھێنە کرن.

یەکەم: قەدەغەیا تمام یا ھاتن و چوونێ بۆ ترۆمبێل و پیادە، د دەمژمێر ۱۲ێ شەڤ ۲۳ێ گۆلانێ دێ ھێتە جێبەجێکرن.

دوویەم: ل رۆژا ۲٥ێ گۆلانێ دێ رێ ھێتە دان ب:

۱- ب جوتیاران بۆ ئەنجامدانا درینێ ب دەراسێ و ڤەگۆھاستنا بەڕھەمێ گەنجم و جھی بۆ سایلو و کۆگەھان.

۲- کۆمپانیا پەیوەندیان بۆ چاککرنا تۆرێن پەیوەندیان.

۳ - عەلوە دێ ھێنە ڤەکرن بۆ ساخکرنا بەروبومێن چاندنێ و رێ دێ ھێتە دان ب فرۆشتنا کەسکاتی و فێقی ب ترۆمبێل د ناڤا کۆلانان دا ب بەرچاڤگرتنا رێمایێن ساخلەمیێ.

٤ - نانپێژی رۆژانە دەمژمێر ٦ێ سپێدێ تا ۱۲ێ نیڤرۆ دێ ھێنە ڤەکرن و دڤێت دووراتیا ناڤبەرا دوو کەسان مەترەک و نیڤ بیت دەما کرینا نانی.

سێیەم : دێ رێ ب کارمەندێن دەزگەھێن ڕاگەھاندنێ ھێتە دان د ڕۆژێن جەژن دا کارێ خۆ بکەن ، لێ دڤێت پشتگیریا کارکرنێ ھەبیت.

چوارەم: ئەڤ بەیانە دەمژمێر ۱۲ێ شەڤ ۲۳ێ گۆلانێ دێ ھێتە جیبجیکرن.