سەرنووچە:

هەولێر.. حالەتەکێ نوویێ توشبوون ب کۆرۆنایێ هاتە تۆمارکرن

فۆتۆ: 
2020-05-23

155 جار خوێندراوەتەوە

ساخلەمیا هەرێمێ ڕاگەهاند، حالەتەکێ نوویێ توشبوون ب کۆرۆنایێ ل هەولێرێ هاتە تۆمارکرن، کو خواندەکارەکێ دکتۆرایێ یە و ل بەغدا ڤەگەڕیایە، هەروەسا توشبوویەکێ ڤایرۆسێ ژی هەر ل وی باژاڕی چێبوویەڤە.

ئەڤرۆ شەمبیێ وەزارەتا ساخلەمیا هەرێمێ ڕاگەهاند، "د بەردەوامیا پشکنین و لێگەریان لدیف گومانلێکریان، توشبوویەکێ دیێ ڤایرۆسێ کۆرۆنایا نوو COVID-19 ل پارێزگەها هەولێرێ هاتیە دەستنیشانکرن، کو نۆژدارەکێ باژاڕێ هەولێرێیە و د تەمەنێ ٣٨ سالیێ دایە، قوتابیێ خواندنا بلند (بورد - دکتۆرا)یە بۆ پسپۆڕیا هناڤان ل نەخۆشخانەیەکا بەغدا".

دیارکریە ژی، "پشتی ڤەگەڕیانێ و وەرگرتنا نمونەیا پشکنینا تاقیگەهێ ئەنجام پۆزەتیڤ بوویە".

ژ ئالیەکێ دی ڤە، وەزارەتا ساخلەمیا هەرێمێ بەحسا وێ یەکێ کر، نەخۆشەکێ توشبوو ب کۆرۆنایێ پشتی وەرگرتنا چارەسەریا نۆژداری ب تەمامی چێبوویەڤە و ڕەوشا ساخلەمیا وی بنەجهـ بوویە، پشکنینا تایبەت یەک ل دیف یەکێ بۆ هاتیە کرن و نێگەتیڤ بوونە و بڕیار هاتیەدان بۆ مال بهێتە شاندن.

د نها دا هەژمارا گشتییا توشبوویان ل پارێزگەها هەولێرێ ٢٣٤ کەسن و ژ وێ هەژمارێ ژی ٢١١ کەس چێبووینەڤە.

هەڤدەم، لگۆری داویی ئاماران ٤٦٢ کەس د هەرێمێ دا توشی ڤایرۆسێ کۆرۆنایێ بوونە و ٣٨٦ کەس ژی چێبووینەڤە.

س.م