سەرنووچە:

دھۆک.. جارەکا دی ھەژمارەک چالاکڤان و مامۆستا ھاتنە دەستەسەرکرن

داخواز دکرن بەدەل بەرواری بهێتە ئازادکرن
فۆتۆ: 
2020-05-23

1152 جار خوێندراوەتەوە

ئەڤرۆ ھەژمارەک مامۆستا و چالاکڤانان دخواستن ژ بۆ ئازادنەکرنا بەدەل بەرواری خرڤەبوونەکێ ل پێشیا دادگەھا دھۆکێ بکەن، لێ ھێزێن ئەولەھیێ ڕێگریکرن و ھەژمارەک ژ وان دەستەسەرکرن.

بێوار حلمى نووچەگەهانێ ئێن ئاڕ تى ل دهۆکێ راگەهاند، ئەڤرۆ شەمبیێ ٢٣ێ گۆلانا ٢٠٢٠ێ هەژمارەکا ماموستا و چالاکڤانان دخواست ژ بۆ ئازادکرنا بەدەل بەرواری ل بەردەرێ دادگەها دهۆکێ خرڤەبوونەکێ بکەن، لی رێگری لێ هاتە کرن و هەژمارەک ژ وان هاتنە دەستەسەرکرن.

دیار ژى کر، هێزەکا زێدە یا پۆلیسان ل هەمبەر دادگەها دهۆکێ هاتبوو کومکرن و نەهێلا خرڤەبوون بهێتە کرن.

بەحسا وێ یەکێ ژی کر، رێگری ل تیما ئێن ئاڕ تى هاتەکرن کو بچیتە نێزیک دادگەها دهۆکێ ببیت.

ئەڤە ژى د دەمەکێ دا ١٦ێ ڤێ مەهێ هەژمارەکا ماموستا و فەرمانبەرێن سنورێ پارێزگەها دهۆکێ ژبەر گیرۆبوونا مووچەیێ وان دخواستن خونیشاندانەکێ ل بەردەرێ پارکا ئازادی ل دهۆکێ بکەن لێ رێگری لێهاتە کرن و زێدەتری ١٠٠ کەسان هاتنە دەستەسەرکرن، هەیا نها ژى بەدەل بەرواری نەهاتیە ئازادکرن.