سەرنووچە:

گەشتوگوزارا هەرێمێ: د رۆژێن جەژنێ دا دێ هەمى جهێن گەشتیاری هێنە داخستن

فۆتۆ: 
2020-05-23

168 جار خوێندراوەتەوە

پەیڤدارێ گەشتوگوزارا هەرێمێ راگەهاند، ژبەر قەدەغەیا هاتن و چوونێ یا ب تەمامى، د رۆژێن جەژنێ دا هەمى جهێن گەشتیاری ل هەمی پارێزگەهێن هەرێمێ دێ هێنە داخستن.

نادر روستی پەیڤدارێ دەستەیا گەشتوگوزارا هەرێمێ بۆ ئێن ئاڕ تى راگەهاند، بابەتێ قەدەغەیا هاتن و چوونێ د رۆژێن جەژنا رەمەزانێ دا، بریار هاتیە دان کو چ جهەکێ گەشتیاری د وان رۆژان دا نەهێتە ڤەکرن.

راگەهاند ژى، هەمى جهێن گەشتیاری یێن هەرێمێ هاتینە هایدارکرن، کو ل رۆژێن جەژنێ پێگیری بریارا داخستنا جهێن خۆ ببن.

د چەند رۆژێن دەربازبووى دا، وەزارەتا ناڤخۆیا هەرێمێ راگەهاند، ل یەکەم رۆژا جەژنا رەمەزانێ قەدەغەیا هاتن و چوونێ یا ب تەمامى بۆ دەما ٧٢ دەمژمێران ل هەمى پارێزگەهان و ئیدارێن سەربخۆ دێ کەڤیتە د جیبیجکرنێ دا.