سەرنووچە:

ئامێدی.. بالەفرێن تورکیا چیایێ کورەژار و گوندێ هیزانکێ بۆمبەبارانکرن

زەرە نەهاتنە زانین
فۆتۆ: 
2020-05-23

538 جار خوێندراوەتەوە

بالەفرێن شەڕیێن تورکیا چیایێ کورەژار و گوندێ هیزانکێ ل سنورێ ناحیەیێن شێلادزێ و چەمانکێ یێن گرێدایی قەزا ئامێدیێ بۆمبەبارانکرن، زەرە نەهاتنە زانین.

نوچەگەهانێ ئێن ئاڕ تی ل ئامێدیێ ڕاگەهاند، نێزیک دەمژمێر ١٢ێ نیڤرۆیا ئەڤرۆ بالەفرێن شەڕیێن تورکیا سەرێ چیایێ کورەژار ل سنورێ شێلادزێ بۆمبەبارانکر کو بتنێ نێزیکی دوو کیلومەتران ژ ناڤەندا ناحیا ناڤبری دوربوویە.

دیارکر ژی، هەر سپێدەهیا ئەڤرۆ بالەفران گوندێ هیزانکێ ل دولا نەهلێ یا سنورێ ناحیەیا چەمانکێ بۆمبەبارنکریە، ئەو بۆمبەبارانە گەلەک نێزیکی جهێ ئاکنجیبوون و زەڤیێن چاندنێ یێن خەلکی بوویە.

بەحسا وێ یەکێ ژی کر، د هەردوو بۆمبەبارانان دا زەرەر نەهاتنە زانین، ژبەر بەردەوامیا مەترسیا بۆمبەبارانێ.

ب هێجەتا هەبوونا پەکەکێ بەردەوام ئارتێشا تورکیا سنورێن قەزایێن پارێزگەها دهۆکێ بۆمبەباران دکەت، ب وێ سەدەمێ ژی هەیا نها چەندین وەلاتیێن سڤیل شەهید و برینداربوونە، ب خەملاندنا سەدان ملیۆن دیناران ژی زەرەر ب ڕەز و باخێن وەلاتیان کەفتیە.

نیهاد ئورەماری-ئامێدی

س.م