سەرنووچە:

زاخۆ.. د بوویەرەکا ھاتن و چوونێ دا گەنجەکی ژیانا خۆ ژدەستدا

فۆتۆ: 
2020-05-23

438 جار خوێندراوەتەوە

ل ناحیا باتیفا یا گرێدای قەزا زاخۆ بوویەرەکا ھاتن و چوونێ روودا و د ئەنجام دا گەنجەکی ژیانا خۆ ژدەستدا.

ئازاد تاھا پەیڤدارێ ھاتن و چوونا دھۆکێ بۆ ئێن ئاڕ تی ڕاگەھاند، بەریا دەمەکێ ل نێزیک نەخۆشخانا ناحیا باتیفا ترۆمبێلەک تایبەت ڕەنگێ سپی وەرگەریا و د ئەنجام دا گەنجەکی ژیانا خۆ ژدەستدا و شەش کەس ژی بڕینداربوون.

ئەو یەک ژی دایە دیار کرن، بڕیندار بۆ نەخۆشخانێ ھاتنە شاندن و زێدەباری زیانێن گیانی زەرەرەکا ماددی مەزن بەر ترۆمبێلێ گەھشتیە.

بوویەرێن ھاتن و چوونێ ب یەکەم سەدەما جان ژ دەستدانا وەلاتیان د ھەرێما کوردستانێ دا دھێتە دانان، لگۆری ئامارێن ڕێڤەبەریا ھاتن و چوونا دھۆکێ ژی، د شەش سالێن دەربازبوویی دا ل سنورێ وێ پارێزگەھێ ٧ ھزار و ٨٤ بوویەرێن ھاتن و چوونێ ڕوودانە، د ئەنجامێ دا ھزار و ٨٤ کەسان جانێ خۆ ژ دەستدانە و ٣٨ ھزار و ٢١٩ کەسێن دی ژی برینداربوونە.

 

نووچەگەهانێ دیجیتال میدیایا ئێن ئاڕ تی، دهۆک ، تائیف گۆران