سەرنووچە:

ئەوقافا هەرێمێ دەربارەی ڤیدیۆیا دیتنا هەیڤێ زەلالکرن دا

فۆتۆ: 
2020-05-22

5222 جار خوێندراوەتەوە

ئەوقافا هەرێمێ ڕاگەهاند، ئەو ڤیدیۆیێن دەربارەی دیتنا هەیڤێ هاتینە بەلاڤکرن، ڕاست نینن و دەستکاری تێدا هاتیە کرن، دبێژیت ژی، "ب هەڤبەندی دگەل وەقفا سونیا عێراقێ لیژنەیا مەیا دیتنا هەیڤێ جڤیایە و ئەو بڕیارە دایە".

نەبەز ئیسماعیل پەیڤدارێ وەزارەتا ئەوقاف و کاروبارێن ئاینیێ هەرێما کوردستانێ بۆ ئێن ئاڕ تی ڕاگەهاند، ئەو ڤیدیۆیێن دەربارەی دیتنا هەیڤێ هاتینە بەلاڤکرن، ڕاست نینن و مۆنتاژکرینە.

دیارکر ژی، "سێ رۆژن مە داخواز ژ خەلکی کریە کو ئەگەر هەیڤ دیت مە هایدار بکەن، لێ نها بۆ مژیلکرنا وەلاتیان وان ڤیدیۆیان بەلاڤ دکەن".

بەحسا وێ یەکێ ژی کر، وان هەڤبەندی دگەل وەقفا سونیا عێراق و سعودیە و ئیمارات و میسرێ دا هەبوویە و ب هۆشیاریڤە بڕیار لسەر دایە.

ئەڤە ژی دەمەکێ دایە، پشتی کو ئێڤاریا ئەڤرۆ وەزارەتا ئەوقافا هەرێمی ڕاگەهاندی هەیڤ نەهاتیە دیتن و سوبەهی تەمامکەرا ڕەمەزانێیە و ڕۆژا یەکشەمبیێ یەکەم ڕۆژا جەژنێیە، هند ڤیدیۆ و وێنە د تۆڕێن جڤاکی دا بەلاڤبوون دهات گوتن کو هەیڤ هاتیە دیتن.

س.م