سەرنووچە:

ئەنجامێ ڤەکۆلینا لسەر کۆشتنا زاڕۆکێ ل زوممار ھاتە ئاشکراکرن

فۆتۆ: 
2020-05-02

5383 جار خوێندراوەتەوە

نووچەگەھانێ دیجیتال میدیایا ئێن ئار تی، نەزیر شنگالی ، شنگال

نووچەگەهانێ ئێن ئار تی ڕاگەهاند، د ڤەکولینان دا دیاربوویە کو سێ جاران دەستدرێژی ل سەر وی زارۆکێ کۆ ب بلۆکان ھاتیە کۆشتن ل زوممار ھاتیە کرن و سێ کەس لسەر وێ بوویەرێ ھاتنە دەستەسەرکرن.

ژێدەرەکێ ئەولەھیێ د ناڤا زوممارێ بۆ ئێن ئار تی ڕاگەھاند،  زاڕۆکێ ل زوممار ھاتیە کوشتن سێ جاران دەستدرێژی لسەر ھاتیە کرن و لدووڤ دا ب کەڤرۆ بلۆکان ھاتیە کۆشتن و سێ کەس لسەر بوویەرێ ھاتنە دەستەسەر کرن کو دوو ژ وان چەکدارێن حەشدا شەعبینە.

ئەو یەک ژی دایە دیارکرن ، کو کەسێن ھاتنە دەستەسەرکرن خەلکێ کۆمەلگەھا دۆمیز یا گرێدای ناحیا زۆمارن و جیرانێن مالا وی زارۆکی بوونە.

ئەڤەژی د دەمەکێ دایە ، کو دوھی ب شەڤ زارۆکێ ب ناڤێ شاھین ویسام ژ مال دەرکەتیە و بێسەرۆشین بوویە ، پشترا ب کوشتی د ناڤا مزگەفتێ دھێتە دیتن.