سەرنووچە:

وەزارەتا ناڤخۆ ٢٤ دەمژمێران ددەتە وان مالباتێن ژ هەڤدوو ڤەقەتیاین

فۆتۆ: 
2020-04-10

491 جار خوێندراوەتەوە

وەزارەتا ناڤخۆیا هەرێمێ قەدەغەیا هاتن و چوونێ هەیا کو ١٦ێ ڤێ مەهێ درێژکر و ڕاگەهاند، ئەو مالباتێن کو ژبەر قەدەغەیا هاتن و چوونێ ژ هەڤدوو ڤەقەتیاین د دەما ٢٤ دەمژمێران دا دکارن بۆ جهێن خۆ ڤەگەڕن.

وەزارەتا ناڤخۆیا هەرێمێ ئەڤرۆ ئەینیێ د ڕاگەهاندنەکێ دا دیارکر، "ئەو مالباتێن کو ئاکنجیێن هەرێما کوردستانێ نە و ژبەر قەدەغەیا هاتن و چوونێ ژ هەڤ ڤەقەتیانە، د ناڤبەرا پارێزگەهـ و ئیدارەیێن سەربەخۆ دا دەما ٢٤ دەمژمێران ددەنێ کو ل دەمژمێر ١٢ شەڤا ١٠ێ نیسانێ هەیا دەمژمێر ١٢ شەڤا ١١ێ نیسانێ بۆ جهێن خۆ ڤەگەڕن".

گوت ژی، پێدڤیە ئەو وەلاتیێن بۆ مالێن خۆ ڤەدگەڕن کارتا زانیاریێ یا وێ پارێزگەهێ هەبیت کو بۆ دچن و ل زالگەهان دگەل دا بیت و ئەڤ پرۆسەیە ب هەڤبەندی د ناڤبەرا ژوورا ئۆپەراسیۆنێن پارێزگەهـ و ئیدارەیێن سەربەخۆیێن وەزارەتا ناڤخۆ دا دهێتە ئەنجامدان.

دەقێ تەڤاهیا بڕیاران: