سەرنووچە:

هەولێر.. د بوویەرەکا هاتن و چوونێ دا چار کەسان جانێ خۆ ژدەستدان

زێدەباری قەدەغەیا هاتن و چوونێ
فۆتۆ: 
2020-04-10

391 جار خوێندراوەتەوە

پەیڤدارێ پۆلیسێن هاتن و چوونا هەولێرێ ڕاگەهاند، شەڤا دەربازبوویی د بوویەرەکا هاتن و چوونێ دا لسەر ڕێیا هەولێر – شەمامک چار کەسان ژیانا خۆ ژدەستدان.

فازل حاجی پەیڤدارێ هاتن و چوونا هەولێرێ بۆ ئێن ئاڕ تی ڕاگەهاند، لسەر ڕێیا ناڤبەرا هەولێر – شەمامک، پیکابەکێ خۆ ل شوفەلەکا ڕاوەستیای دایە، ب وێ سەدەمێ ژی چار کەسان ژیانا خۆ ژدەستدانە.

زێدەباری قەدەغەیا هاتن و چوونێ ل هەرێما کوردستانێ، لێ د دەمێن دەربازبوویی دا ژی چەندین بوویەرێن هاتن و چوونێ ڕوودانە.

ئەڤە ژی دەمەکێ دایە، لگۆری ئاماران د سالا ٢٠١٩ێ دا زێدەتری چار هزار و ٤٠٠ بوویەرێن هاتن و چوونێ د هەرێما کوردستانێ دا ڕوودانە و ب وێ سەدەمێ ژی ٥٧٥ کەسان ژیانا خۆ ژدەستدانە و زێدەتری شەش هزار و ٨٠٠ کەس ژی برینداربوونە.

س.م