سەرنووچە:

هویرکاریێن هەژمارا توشبوویان و چێبوویەڤێن کۆڕۆنایێ ل هەرێمێ

فۆتۆ: 
2020-04-09

239 جار خوێندراوەتەوە

ژ دەستپێکا بەلاڤبوونا کۆرۆنایێ ل هەرێمێ، هەیا نها ٣١١ حالەتێن توشبوون هاتنە تۆمارکرن و ل وێ هەژمارەیێ ژی ١٣٥ کەس چێبووینەڤە  و ئێن ئاڕ تی ژی ب هویری هەژمارا توشبوویان و ئەوێن چێبووینەڤە ئەشکرا کرن.

هەیا دهێت ل پارێزگەها سلێمانیێ حالەتێن توشبوون ب کۆرۆنایێ کێمتر دبن و ئەڤە یەکەژی پەیامەکا دلخۆشکەرە بۆ وەلاتیێن وێ پارێزگەهێ، ب ئاوایەکێ ژ کۆما ١١٦ توشبوویان هەیا نها ٩٣ ب تەمامی چێبووینەڤە، سێ یێن دی ژی ب سەدەما نەخۆشیێن دۆم درێژ ژیانا خوە ژ دەستداینە، تنێ ٢٠ توشبوو د نەخۆشخانەیێ دا مانە و ساخلەمیا وان ژێ گەلەک باشە.

هەڤدەم، ل گۆڕەی زانیارێن ئێن ئاڕ تی ژ وان ٢٠ کەسێن کو د نەخۆشخانەیێ دا مانە کو ب ڤی ئاواییە، هەشت توشبوویێن دەربەندیخان، یەک سەیدسادق و دوو  بازیان و یێن دی ژی تووشبوویێن باژاڕێ سلێمانیێ نە.

ل پارێزگەها هەولێرێ ژی، ١٥٩ حالەتێن توشبوون ب کۆرۆنایێ هاتنە تۆمارکرن و ل وێ هەژمارەیێ ژی ٢٩ چێبووینەڤە و تنێ  ١٢٠ د نەخشخانەیێ دا مانە و ڕەوشا وان ژی زێدە باشە.

ژئالیەکێ دی ڤە، پارێزگەها هەلەبجە ژی هەیا نها ١٢ حالەت هاتنە تۆمارکرن و یەک ژ وان ب تەمامی  چێبوویەڤە و ٢٠یێن دی ژی د نەخۆشخانەیێ دا مانە.