سەرنووچە:

عێراق.. ٢٨ حالەتێن نوویێن توشبوون ب کۆرۆنایێ هاتن تۆمارکرن

فۆتۆ: 
2020-04-09

231 جار خوێندراوەتەوە

وەزارەتا ساخلەمیا عێراقێ ڕاگەهاند، د دەما ٢٤ دەمژمێرێن دەربازبوویی دا ٢٨ حالەتێن نوویێن توشبوون ب کۆرۆنایێ هاتن تۆمارکرن، د هەمبەر دا ٣٨ کەس ژ نەخۆشیێ چێووینەڤە و چ کەسەکێ ژیانا خۆ ژدەستنەدایە.

ئەڤرۆ پێنجشەمبیێ ٩ێ نیسانا ٢٠٢٠ێ وەزارەتا ساخلەمی و ژینگەها عێراقێ ڕاگەهاند، "د دەما ٢٤ دەمژمێرێن دەربازبوویی دا ٢٨ حالەتێن نوویێن توشبوون ب ڤایرۆسێ کۆرۆنایێ هاتنە تۆمارکرن، ب ئاوایەکێ، هەشت ل بەسرا، دوو ل زیقار، دوو ل دیالە، ل هەریەک ژ نەجەف، کەربەلا، کەرکوک و واست ژی یەکێ یەک حالەت تێدا هاتیە تۆمارکرن".

بەحسا وێ یەکێ ژی کریە، "چ حالەتەکێ جان ژدەستدان ب وێ نەخۆشیێ نەهاتینە تۆمارکرن".

ئەو یەک ژی دایەزانین، "٣٨ کەسێن دی ژ نەخۆشیێ چێووینەڤە، کو ١٤ ل نەجەف، ١٢ ل کەربەلا، شەش ل بەسرا، چار ل بەغدا و دوو ژی ل زیقار".

هەڤدەم، لگۆری ئاماران ژی د ٢٤ دەمژمێرێن دەربازبوویی دا چ حالەتەکێ جان ژدەستدان ب کۆرۆنایێ نەهاتیە تۆمارکرن.

ئەڤە ژی دەمەکێ دایە، هەیا نها هزار و ٢٣٢ کەس د عێراقێ دا توشی ڤایرۆسێ کۆرۆنایێ بوونە، ژ وێ هەژمارێ ژی ٦٩ کەسان جانێ خۆ ژدەستدانە و ٤٩٦ کەس ژی ژ نەخۆشیێ چێبووینەڤە.

س.م