سەرنووچە:

پارێزگارێ هەولێرێ: قەدەغەیا هاتن و چوونێ دێ هێتە درێژکرن

قەدەغەیا هاتن و چوونێ ل هەرێمێ
فۆتۆ: 
2020-04-09

2645 جار خوێندراوەتەوە

پارێزگارێ هەولێرێ ڕاگەهاند، ژ پێخەمەت ساخلەمیا وەلاتیان و کۆنترۆلکرنا ڤایرۆسێ کۆرۆنایێ، وەزیرێ ناڤخۆیێ حکومەتا هەرێمێ دێ دەما قەدەغەیا هاتن و چوونێ درێژکەت و ساخلەمیێ ژی داخوازکریە هەیاکو ١٥ ڤێ مەهێ بهێتە درێژکرن.

فرسەت سۆفی پارێزگارێ هەولێرێ بۆ ئێن ئاڕ تی ڕاگەهاند، وەزیرێ ناڤخۆیێ هەرێمێ دگەل وەزارەتا ساخلەمیێ و پارێزگاران و ئیدارەیێن سەربەخۆ دیراسەیا پلانەکا نوو دکەت بۆ درێژکرنا قەدەغەیا هاتن و چوونێ و ئەڤرۆ یان سوبەهی ژی دێ هوورکاری و دەما درێژکرنێ هێتە ئاشکراکرن.

دبێژیت ژی، دەما قەدەغەیا هاتن و چوونێ دێ هێتە درێژکرن، لێ جارێ دەما درێژکرنێ نەهاتیە دیارکرن.

هەڤدەم، محەمەد قادر پەیڤدارێ وەزارەتا ساخلەمیێ بۆ ئێن ئاڕ تی ڕاگەهاند، وان وەک وەزارەتا ساخلەمیێ داخواز ژ وەزارەتا ناڤخۆ کریە هەیا ڕۆژا ١٥ ڤێ مەهێ دەما قەدەغەیا هاتن و چوونێ بهێتە درێژکرن.

زەلالکر ژی، وەزارەتا ناڤخۆ دێ بڕیارێ دەت و هەیا نها دیار نینە ئەو پێشنیار دێ هێتە قەبوولکرن یان نە.

ئەڤە ژی دەمەکێ دایە، ڕۆژا ٣١ێ مەها ئادارا ٢٠٢٠ێ، بۆ جارا چارێ قەدەغەیا هاتن و چوونێ هەیا کو ١٠ێ ڤێ مەهێ هاتە درێژکرن و بڕیارە ئەڤرۆ یان سوبەهی وەزارەتا ناڤخۆ بڕیارێن نوو دەربارەی درێژکرنێ ئاشکرا بکەت.

س.م