سەرنووچە:

ئەمریکا دوو ڤاکسین و ١٠ دەرمانێن چارەسەریا کۆرۆنایێ دروست دکەت

فۆتۆ: 
2020-04-08

376 جار خوێندراوەتەوە

دۆنالد ترەمپ ڕاگەهاند، ولاتێ وی د نها دا دوو جۆرێن ڤاکسینێن دژی ڤایرۆسێ کۆرۆنایێ و ١٠ دەرمانان بۆ چارەسەریا توشبوویان پێشڤەدبەت.

سەرۆکێ ئەمریکا د کۆنفرانسەکا ڕۆژنامەڤانی دا ڕاگەهاند، "چار کۆمپانیێن ئەمریکی کاردکەن بۆ دروستکرنا ١٠ جۆرێن دەرمانان بۆ چارەسەریا نەخۆشیا کۆرۆنایێ، پشتی دروستکرنا وان ژی ١٥ جۆرێن دەرمانێن چارەسەریا وێ نەخۆشیێ دێ بەردەست بن، هەڤدەم دوو ڤاکسینێن دژی ڤایرۆسێ کۆرۆنایێ ژی دێ هێنە دروستکرن".

ئەو یەک ژی دازانین، "زانایێن ئەمریکی پێشەنگن ژ دروستکرنا چارەسەریا نەخۆشیێ، لێ دروستکرنا ڤاکیسن و دەرمانان دەم پێدڤیە".

گوت ژی، حەفتیا داهاتی بۆ ئەمریکیان دێ یا ب ئێش بیت، هەتا ئەگەر یەک کەس ژی جانێ خۆ ژدەست بدەت، داخواز ژی ژ وەلاتیێن ولاتێ خۆ کر، ڕوولێ ئەرێنی ببینن لسەر بەرهەنگاربوونا کۆرۆنایێ.

بەحسا وێ یەکێ ژی کر، کو شانازیێ ب وەلاتیێن خۆ دکەن لسەر وێ یەکێ کو پێگیری ڕێکارێن ساخلەمیێ نە ل دژی کۆرۆنایێ.

ئەڤە ژی دەمەکێ دایە، کۆمپانیایێن دەرمانان ل پڕانیا ولاتێن جیهانێ کەفتینە هەڤڕکیێ لسەر ڤەدیتنا دەرمانی و دروستکرنا ڤاکسینێ بۆ پەتایا ڤایرۆسێ کۆرۆنایا نوو.

س.م