سەرنووچە:

ڕەوشا ساخلەمیا بۆریس جۆنسن ل نەخۆشخانەیێ هاتە ئاشکراکرن

فۆتۆ: 
2020-04-08

1639 جار خوێندراوەتەوە

وزیرێ کاروبارێن جڤاتا وەزیرێن بەریتانیا ڕاگەهاند، بۆریس جۆنسن دبن چاڤدێریا هووردا هاتیە دانان و ئامیرێ هەناسەدانا دەستچێکری ژی بۆ هاتیە بکارئینان.

ڕۆژنامەیا دەیلی مەیلا بەریتانی بەلاڤکر، مایکل گۆڤ وەزیرێ کاروبارێن جڤاتا وەزیرێن بەریتانیا ئەڤرۆ سێشەمبیێ، دەربارەی ڕەوشا جۆنسن بۆ میدیایان ڕاگەهاندیە، دەمژمێر ٧ێ ئیڤاریا دوهی جۆنسن توشی تەنگەنەفسیێ بوویە، پشتڕا بۆ پشکا چاڤدێریا هوور ل نەخۆشخانەیێ هاتیە ڤەگوهاستن و ئۆکسجینا دەستچێکری پێدانە.

دیارکریە ژی، "باشترین خزمەتگوزاریا ساخلەمی بۆ جۆنسن هاتیە دابینکرن و ئەم ژی لاڤان بۆ چێبوونەڤا وی دکەین".

بەحسا وێ یەکێ ژی کریە، د نها دا دۆمەنیک ڕاڤ وەزیرێ دەرڤەیێ بەریتانیا کاروبارێن سەرۆک وەزیران بڕێڤەدبەت.