سەرنووچە:

ساخلەمیا دهۆکێ ئامارا ٢٤ دەمژمێرێن دەربازبوویی یا ڕەوشا کۆرۆنایێ بەلاڤکر

د ٢٤ دەمژمێران دا ١٠٩ پشکنین هاتنە کرن
فۆتۆ: 
2020-04-07

1371 جار خوێندراوەتەوە

ساخلەمیا دهۆکێ ڕاگەهاند، د ٢٤ دەمژمێرێن دەربازبوویی دا ١٠٩ پشکنینێن کۆرۆنایێ هاتنە کرن و پێنج چێبوونەڤە و سێ توشبوو هەبوونە، کو پێشتر وەزارەتا ساخلەمیێ ڕاگەهاندینە.

حەمزە ڕەزیکی پەیڤدارێ ساخلەمیا دهۆکێ بۆ ئێن ئاڕ تی ڕاگەهاند، ئەڤرۆ ٢٢٠ کەس د ١٥ جهێن تایبەت ب کەرەنتینەیێ دا هاتنە کەرەنتینەکرن، ١٤١ کەس ژی ژ کەرەنتینەیێ دەرکەفتنە.

دازانین ژی، هەژمارا گشتییا کەسێن کو هەیا نها د کەرەنتینەیێ دا مانە ٧١٩ کەسن، هەژمارا کەسێن کو ژ دەستپێکێ هەیا ئەڤرۆ هاتینە کەرەنتینەکرن گەهشتیە هزار و ٨١٥ کەسان.

دەربارەی هەژمارا پشکنینا ژ دەستپێکێ هەیا ئەڤرۆ ناڤبری گوت، هەیا نها هزار و ٤٥٣ پشکنین هاتنە کرن.

ئەڤە ژی دەمەکێ دایە، هەژمارا گشتیا توشبوویێن کۆرۆنایێ ل دهۆکێ گەهشتیە ١٥ کەسان و ژ وێ هەژمارێ ١٢ کەس چێبووینەڤە.

س.م