سەرنووچە:

وەزارەتا ئەوقافێ: سعودیێ خەرجیا ڤیزەیێن عومرەکارێن هەرێمێ ڤەگەڕاند

فۆتۆ: 
2020-04-07

229 جار خوێندراوەتەوە

وەزارەتا ئەوقافا هەرێمێ ڕاگەهاند، د بڕیارەکێ دا وەزارەتا حەجا سعودیێ پارەیێ هەموو وەلاتیێن هەرێما کوردستانێ ڤەگەڕاندە سەر حسابا کۆمپانیایان، کو بۆ هەر عومرەکارەکێ کۆژمێ ٢١٠ دۆلاران بوو.

ئەڤرۆ سێشەمبیێ وەزارەتا ئەوقافا حکومەتا هەرێمێ د ڕاگەهاندنەکێ دا دیارکر، ئەو وەلاتیێن کو پارە داینە کۆمپانیایان ب مەرەما ئەنجامدانا گەشتا عومرەیێ، لێ گەشتێن وان نەهاتن ئەنجامدان، د نها دا دکارن سەرەدانا کۆمپانیایان بکەن و پارەیێن خۆ وەرگرنەڤە.

د ڕاگەهاندنا وەزارەتا ئەوقافێ دا ئەو یەک ژی هاتیە، پشتی بڕیارا عەرەبستانا سعودیێ گەشتا عومرەیێ بۆ هەموو جیهانێ ژبەر کۆرۆنایێ هاتە ڕاوەستاندن، دگەل ڤێ یەکێ دا ژی نێزیکی هزار و ٧٠٠ وەلاتیێن هەرێمێ ب ڕێیا کۆمپانیێن تابیەت ب عومرەیێ ڤیزەیا گەشتا عومرەیێ وەرگرتبوو.

ل هەرێما کوردستانێ ٦٥ کۆمپانی ژ ئالیێ وەزارەتا ئەوقافێ ڤە ڕێ پێ هاتیە دان کو عومرەکاران بۆ ولاتێ سعودیێ ب مەرەما بجهئینانا عومرێ ڤەگوهێزن.

س.م