سەرنووچە:

دھۆک.. پێنج توشبوویێن دی یێن کۆرۆنایێ چێبوونەڤە

هەژمارا وان کەسێن چێبووین گەهشتە ١٠ کەسان
فۆتۆ: 
2020-04-07

2117 جار خوێندراوەتەوە

ساخلەمیا دھۆکێ راگەھاند، پێنج توشبووێن دی چێبووینەڤە، بڤی ئاوایی هەژمارا وان کەسێن ب کۆرۆنایێ ل دهۆکێ چێبووینەڤە گەهشتە ١٢ کەسان.

حەمزە رەزیکی بەرپرسێ ساخلەمیا دهۆکێ بۆ ئێن ئاڕ تى راگەهاند، ئەڤرۆ سێ شەمبێ ٧ێ نیسانا ٢٠٢٠ێ پشتی پشکنین بۆ ھەژمارەکا توشبوویێن کۆرۆنایێ ھاتیە کرن، پێنج توشبوو ب تەمامی چێبووینەڤە، بۆ مالێن وان هنارتینە.

هەر ئەڤرۆ وەزارەتا ساخلەمیا ھەڕێمێ د ڕاگەھاندنەکێ دا دازانین، د بەردەوامیا پشکنین و لێگەریانا گۆمانلێکریان دا ، سێ حالەتێن نوو یێن توشبوون ب ڤایڕۆسا نوو کۆڤید ۱۹ ل باژاڕێ دھۆکێ ھاتن دەستنیشانکرن ، کو خێزانەکا سێ کەسینە ل بەریتانیا ڤەگەریانە.

ئاشکرا ژی کریە ، ھەر سێ کەس ژ یەک خێزانێنە کو دایک و بابەک یێن تەمەن ۳۱ سال و دگەل زاڕۆکەکێ ۱۰ مەھی بوونە.

ئەڤە د دەمەکێ دایە، ھەیا نھا ۲٨٥ کەس ل ھەڕێمێ تووشی ڤایڕۆسێ کۆرۆنایێ بوونە ، ژ وێ ژمارەیێ ژی ۱۰٥ کەس ژی چێبوونەڤە.