سەرنووچە:

نیویۆرک تایمز نوترین پلانا ئەمریکا ل عێراقێ ئاشکرا دکەت

فۆتۆ: 
2020-03-28

1695 جار خوێندراوەتەوە

ڕۆژنامەیا نیویۆرک تایمز بەلاڤکر، وەزارەتا بەڕەڤانیا ئەمریکا "پێنتاگۆن" پلانا هێرشکرنا سەر گروپێن چەکداریێن عێراقێ هەیە.

ڕۆژنامەیا نیویۆرک تایمزا ئەمریکی بەلاڤکر، حەفتیا دەربازبوویی، پێنتاگۆنێ فەرماندارێن لەشکەری ئاگەهدارکرنە کو بەرهەڤیێ بۆ ئۆپەراسیۆنەکا لەشکەری د عێراقێ دا بکەن، دبێژیت ژی، د ئۆپەراسیۆنێ دا ئەو گروپێن چەکداریێن گرێدایی ئیرانێ دێ هێنە بۆمبەبارانکرن کو گەفا کریارا چەکداری ل دژی هێزێن ئەمریکی کرینە.

ڕۆژنامەیێ دایەزانین ژی، فەرماندارێن پلە بلندێن ئەمریکا ل عێراقێ هۆشداری دانە کو دێ ئۆپەراسیۆن یا خویناوی بیت، ژبەر کارڤەدانێن گروپێن چەکداریێن سەر ب ئیرانێ و دێ گەفا دەستپێکرنا شەڕێ دژی ئیرانێ بیت.

هەڤدەم یەک ژ فەرماندارێن لەشکەریێن ناڤ ئارتێشا ئەمریکا بۆ ڕۆژنامەیێ دیارکریە، بۆ بەرهەنگاربوونا هێرشین گروپێن چەکداری، ئەنجامدانا ئۆپەراسیۆنێ، پێدڤیە ب هزاران لەشکەرێن ئەمریکا بۆ عێراقی بهێنە شاندن.

ڕۆژنامەیێ بەحسا وێ یەکێ ژی کریە، وەزیرێ دەرڤە و شێورمەندێ ئاسایشا نیشتیمانیا ئەمریکا دگەل یەکێ وێ دانە هێرش لسەر ئیران و گروپێن چەکدارێن گرێدایی وێ د عێراقێ دا بهێتە کرن.

هەڤدەم، وەزیرێ بەڕەڤانیێ و فەرماندەیێ فەرمانداریا ئەمریکا دلگرانن لسەر بکارئینانا هێزا لەشکەری و د هەمان دەم دا وەزیرێ بەڕەڤانیێ پلانا هێرشکرنێ لبەردەستێ ترەمپ دانایە کو ژ چەند بژاردەیان پێکهاتیە.

ڕۆژنامەیێ گوتیە ژی، هەیا نها ترەمپ بڕیارا هێرشکرنێ نەدایە، لێ فەرمانکریە کو پلان دەربارەی وێ یەکێ بەردەوام بن.

ژ ئالیەکێ دیڤە، جۆن هایتن سەرۆک ئەرکانێ هێزێن هەڤبەشێن ئەمریکا دوهی ئەینیێ ڕاگەهاند، زێدەباری بەلاڤبوونا ڤایرۆسێ کۆرۆنایێ لێ پرۆسەیێن لەشکەریێن وان دێ ل دەرڤەیی ئەمریکا بەردەوام بن.

س.م

‌بەپەلە