سەرنووچە:

پشتى راگەهاندنەکا فراکسیۆنا نەوەى نوێ، بانکا ناڤەندی ل هەرێمێ دانپێدان ب گەهشتنا پارەى ژ بەغدایێ کر

دەربارەى پارڤەکرنا مووچەی
فۆتۆ: 
2020-03-26

477 جار خوێندراوەتەوە

پشتى راگەهاندنەکا فراکسیونا نەوەى نوێ ل پەرلەمانێ کوردستانێ، کو تێدا هاتیە، بەغدا مووچەیی فەرمانبەران هنارتیە، لێ حکومەتا هەرێمێ نا پارڤەکەت، بەنکا ناڤەندی یا عێراقێ ل هەرێمێ راگەهاند کو پارەیێ مووچەیێ فەرمانبەرێن هەرێمێ گەهشتیە و بۆ پارڤەکرنێ بەرهەڤە.

ئەڤرۆ پێنشەمبێ د زەلالکرنەکێ دا جوتیار عادل، پەیڤدارێ حکومەتا هەرێمێ راگەهاند، بۆ پارڤەکرنا مووچەی چاڤەرێی پارەى ژ بەغدا دکەین هەر دەما گەهشت دێ دەست ب پارڤەکرنا مووچەیێ هەمى وەزارەتان کەین ب میکانزمەکێ کو رێنمایێن ساخلەمیێ بەرچاڤ وەربگرین.

پشتى راگەهاندنا فراکسیۆنا نەوەى نوێ ل پەرلەمانێ کوردستانێ راگەهاندی، "خەلک د ڤان دەمان دا زوور ب دلسوزی پێگیری رێنمایانە، بەغدا مووچەیێ فەرمانبەران بۆ مەها ١٢  هنارتیە، لێ حکومەتێ هەیا نها چ پرۆژەیەک نەبوویە بۆ چارەسەرکرنا خرابیا رەوش و ژیارا خەلکی، و مووچەى پارڤەناکەت".

پشتى راگەهاندنا فراکسیۆنا نەوەى نوێ، عابد مزوری ریڤەبرێ بانکا ناڤەندی یا عێراقێ ل هەرێمێ بۆ ئێن ئاڕ تى راگەهاند، "٤٥٣ ملیار دینار ژ بەغدایێ گەهشتنە هەولێرێ و وەزا ەتا دارایی یا هەرێمێ دکاریت برێکارێن خۆ دەست ب پارڤەکرنا مووچەی بکەت".

ئەڤە ژى د دەمەکێ دایە کو رۆژا ٨ێ ئادارا سالا دەربازبووى پاشکەفتێ مووچەى هاتیە هەلگرتن و ژ وى دەمى هەیا نها ١٢ موچەیێن بی پاشکەفت یێن هەمى وەزارەتان پارڤەکرنە، دگەل هاتنا کۆرۆنایێ یەکەم مووچە یێ وەزارەتا ساخلەمیێ هاتە پارڤەکرن و هەیا نها مووچەیێ وەزارەتێن دی نەهاتیە پارڤەکرن.