سەرنووچە:

فراکسیۆنا نەوەى نوێ: بەغدایێ مووچەیێ فەرمانبەران هنارتیە لێ حکومەتا هەرێمێ نا پارڤەکەت

فۆتۆ: 
2020-03-26

503 جار خوێندراوەتەوە

فراکسیۆنا نەوەى نوێ ل پەرلەمانێ کوردستانێ داخوازا روونشتنەکا بلەز یا پەرلەمانى دکەت کو حکومەت پێگیری بیت ب پارڤەکرنا مووچەیێ مەها ١٢ یێ سالا دەربازبووى، دبێژن ژى، "د دەمەکێ دا بەغدا مووچەیێ فەرمانبەران هنارتیە لێ حکومەتا هەرێمێ مووچەی پارڤە ناکەت".

فراکسیۆنا نەوەى نوێ د راگەهاندنەکێ دا دازانین، پەرلەمان د وێ روونشتنێ دا دێ حکومەتێ پێگیر کەت کو ئامیر و پێدڤیێن نوژداری و ئامیرێن هەناسەدانێ یێن دەستکرد بۆ هەمی نەخوشخانەیان و ل هەمی باژاران دابین بکەت، بتایبەتى ل سەنتەرێن چارەسەریا نەخوشیا کۆرۆنایێ".

بەحسا وێ یەکێ ژى کر، پێدڤیە حکومەت پێگیر بیت ب هاریکاریکرنا فەرمانبەران و  کرێکارێن کەرتێ تایبەت کو د نها دا کارێن وان راوەستیاینە و چ ژێدەرەکێ داهاتی نینە، هەروەسا هاریکاریکرنا هەمى وان خێزانێن هەژار و دەست کورت ژبەر ڤێ رەوشا نها ژیارا وان د مەترسیێ دایە، حکومەتێ پێگیر ژى بکەن ب خوشبوون  ژ کرێ یا ئاڤ و کارەبا سێ مەهان بۆ وەلاتی و کاسبکاران.

فراکسیۆنا نەوەى نوێ راگەهاند ژى، "خەلک د ڤان دەمان دا زوور ب دلسوزی پێگیری رێنمایانە، بەغدا مووچەیێ فەرمانبەران بۆ مەها ١٢  هنارتیە، لێ حکومەتێ هەیا نها چ پرۆژەیەک نەبوویە بۆ چارەسەرکرنا خرابیا رەوش و ژیارا خەلکی، ژبەر وێ یەکێ چافێ خەلکی لسەر پەرلەمانى یە و چاڤەرێی هەلویستێ بەرپرسیارانە لێ دکەت، پێدڤیە پەرلەمان ب روولی خۆ راببیت".