سەرنووچە:

ئیرانێ قەدەغەیا هاتن و چوونێ د ناڤبەرا باژاڕان دا ڕاگەهاند

فۆتۆ: 
2020-03-26

229 جار خوێندراوەتەوە

حکومەتا ئیرانێ ڕاگەهاند، ژ ئەڤرۆ ڤە هاتن و چوون د ناڤبەرا باژاڕەکێ بۆ یەکێ دی دێ هێتە ڕاگرتن و پێدڤییە هەموو ئەو کەسێن ل دەرڤەی جهێ ئاکنجیبوونا خۆنە بۆ جهێن خۆ ڤەگەڕن.

حسێن زولفەقاری سەرۆکێ لیژنەیا بلندا بەرهەنگاربوونا ڤایرۆسێ کۆرۆنایێ ل ئیرانێ ڕاگەهاند، خەلکەکێ زۆر ژبەر هاتنا سەرێ سالا فارسی گەشت بۆ باژاڕێن دی کرینە، ڤێ یەکێ ژی مەترسیا بەلاڤبوونا پێلا دوویێ یا ڤایرۆسێ زێدە دکەت.

بەحسا وێ یەکێ ژی کر، پێدڤیە ئەو کەسێن کو دخوازن گەشت بکەن، گەشتێن خۆ هەلبوەشینن و ئەنجام نەدەن ژبەر کو دێ ڕێ هێنە داخستن.

ئەڤە ژی دەمەکێ دایە، هەیا نها ل ئیرانێ زێدەتری ٢٧ هزار حالەتێن توشبوون و زێدەتری دوو هزار حالەتێن جان ژدەستدانێ تێدا هاتنە تۆمارکرن.

س.م