سەرنووچە:

حکومەتا عێراقێ هەیا ١١ێ نیسانێ قەدەغەیا هاتن و چوونێ درێژکر

ژبەر مەترسیا بەلاڤبوونا کۆرۆنایێ
فۆتۆ: 
2020-03-26

413 جار خوێندراوەتەوە

حکومەتا عێراقێ بڕیاردا ب درێژکرنا قەدەغەیا هاتن و چوونێ هەیا ڕۆژا ١١ێ نیسانێ.

پشتی کو د دەما ٢٤ دەمژمێرێن دەربازبوویی دا ٥٠ حالەتێن نوو یێن توشبوون ب ڤایرۆسێ کۆرۆنایێ ل سەرتاسەریا عێراقێ و ب هەرێما کوردستانێ ژی ڤە هاتنە تۆمارکرن، جڤاتا وەزیرێن عێراقێ بڕیاردا قەدەغەیا هاتن و چوونێ هەیا ڕۆژا ١١ێ مەها داهاتی بهێتە درێژکرن.

دوهی چارشەمبیێ، وەزارەتا ساخلەمیا عێراقێ ڕاگەهاند، هەژمارا جان ژدەستدایان ب ڤایرۆسێ کۆرۆنایێ گەهشتیە ٢٩ حالەتان و یا توشبوویان ژی بۆ ٣٤٦ حالەتان بلندبوو.

ئەڤە ژی دەمەکێ دایە، ژبەر مەترسیێن بەلاڤبوونا ڤایرۆسێ کۆرۆنایێ و ب مەرەما نەهێلانا قەرەبالغیێ و بەریەککەفتنێ، ل ناڤەراستا ڤێ مەهێ ل پارێزگەهێن عێراق و هەرێما کوردستانێ قەدەغەیا هاتن و چوونێ هاتە ڕاگەهاندن.

س.م