سەرنووچە:

نەتەوەیێن هەڤگرتی دوو ملیار دۆلار بۆ ولاتێن هەژار تەرخان دکەت

فۆتۆ: 
2020-03-26

220 جار خوێندراوەتەوە

سکرتێرێ گشتییێ نەتەوەیێن هەڤگرتی ڕاگەهاند، بۆ پشتەڤانیکرن ژ بەرهەنگاربوونا ڤایرۆسێ کۆرۆنایا نوو د ولاتێن هەژارێن جیهانێ دا، دەستکرن ب پلانا پێدانا دوو ملیار دۆلاران بۆ هەڤکاریا مرۆڤییا جیهانێ.

ئەنتۆنیۆ گوتیرێس، د ڕاگەهاندنەکێ دا دیارکر، هەتا ئەو ولاتێن کو خودان سیستەمەکێ ساخلەمیا بهێزن دبن گڤاشتنا ڤایرۆسێ دانە و کۆرۆنا گەشتیە وان ولاتان ژی کو نقومی شەڕی، کارەساتێن سروشتی و گۆهەڕتنێن سەقای بوون، کۆرۆنا گەفێ ل هەموو مرۆڤایەتیێ دکەت و بزاڤێن تاک ئالیێن ولاتان ژی تێرا ناکەت، پێدڤیە هەموو جیهان هەڤبەند بن لسەر بەرهەنگاربوونا ڤایرۆسی.

هۆشداری ژی دا، کو وەلاتیێن چەند ولاتان د ڕەوشەکا مەترسیدار دانە، ژبەر کو هەتا نکارن ئاڤا پاقژ و سابوونێ بدەستبێخن و د نەخۆشخانەیێن وان دا تەخت کێمن و ئامیرێن هەناسەدانێ نینە.

ئەڤە ژی دەمەکێ دایە، هەیا نها ٤٧١ هزار و ٦٨٧ کەس د جیهانێ دا توشی کۆرۆنایێ بوونە و ٢١ هزار کەسان ژی ژیانا خۆ ژدەستدانە، ١١٤ هزار و ٦٩٦ کەس ژی چێبوونە.

س.م