سەرنووچە:

وەزیرا چاندنێ سەدەمێ گرانبوونا بهایێ هێک و پیڤازان ئاشکرا کر

فۆتۆ: 
2020-03-25

1742 جار خوێندراوەتەوە

وەزیرا چاندنیا هەرێمێ ڕاگەهاند، بەرهەمئینانا هێکان بەشێ پێدڤیێن ناڤخۆیێ هەرێمێ ناکەت، ژبەر هندێ بهایێ وان بلندبوویە و بلندبوونا بهایێ پیڤازان ژی ژبەر کو ئیران ب کێمی هناردەیێ هەرێمێ دکەت.

ئەڤرۆ چارشەمبێ، بێگەرد تالەبانی وەزیرا چاندنیا هەرێمێ د چارچۆڤەیێ پشکداریکرنێ د بەرنامەیێ تاوتوێی ئێن ئاڕ تی ڕاگەهاند، " بڕیارا قەدەغەکرنا هێکان ژ ئالیێ حکومەتا ئیتیحادیێ هاتیە دان و د نها دا ژی دگەل جڤاتا وەزیران د بزاڤان دانە هەیا کو دەرگەهەکی بۆ چارەسەرکرنا وێ ئاریشەیێ ڤەکەت."

بەحسا وێیەکێ ژی کر، د نها دا جوتیار و خودانێن پرۆژەیێن چاندنی فۆڕما رێ پێدانێ پێ دهێتەدان و ب هەڤبەندی دگەل رێڤەبەریێن سەر ب وەزارەتا وان، دێ ئاسانکاریێ ژی بۆ خودانێن پرۆژەیێن چاندنی و جوتیاران کەین هەیا کو بەرهەمێ وان یێ ئەڤسالە نەوفتێت."

دەربارەی گەنمێ جوتیارێن هەرێمێ ژی ئاماژە ب وێیەکێ کر، مە هەڤبەندی دگەل وەزارەتا بازرگانیا عێراقێ دا هایە، هەیا کە گەنمێ ئەڤسالەیێ جوتیاران بهێتە وەرگرن."