سەرنووچە:

٢٨ پەرلەمانتار داخوازێ ژ حکومەتێ دکەن پارڤەکرنا مووچەی گیروو نەکەت

فۆتۆ: 
2020-03-25

707 جار خوێندراوەتەوە

٢٨ ئەندامێن پەرلەمانێ کوردستانێ د راگەهاندنەکێ دا داخوازێ ژ حکومەتا هەرێمێ دکەن کو "ب چ هێجەتەک" پارڤەکرنا مووچەیێ مووچەخورێن هەرێمێ هاتیە پاشخستن.

د راگەهاندنەکێ دا کو ئیمزایا ٢٨ ئەندامێن پەرلەمانێ کوردستانێ لسەرە بۆ سەرۆکاتیا جڤاتا وەزیرێن هەرێمێ هنارتینە کو تیدا هاتیە،"ئەم وەک پەرلەمانتار داخواز دکەین ئێدی ب چ هێجەتەکێ پارڤەکرنا مووچەیێ مووچەخورێن هەرێمێ گیروو نەبیت".

دازانین ژى، " بتایبەتى د نها دا کو تەخا بەرفرەها مووچەخورێن هەرێمێ، زێدەباری مژوولبوون ب ڤایرۆسێ کۆرۆنایێ، د رەوشەکا دژوار یا ژیارێ دانە و ڤێ یەکێ ژى باندوری لسەر ژیانا وان کریە و دابینکرنا خوارنێ و پێدڤیێن رۆژانە درۆستکرینە".

بەحس ژى کر، "داخواز دکەین بەرى ب داوى هاتنا ڤێ مەهێ، مووچەیێ مەها ١٢ یێ سالا دەربازبووى و میکانزمێن کونجای بهێنە دانان بۆ پارڤەکرنێ، ب ئاوایەککو رەوشا ساخلەمیا وەلاتیان د بەلاڤنەبوونا کۆرۆنایێ دا بهێتە پێشچاڤ وەرگرتن".

ئەڤە ژى د دەمەکێ دایە، حکومەتا هەریما کوردستانێ ب هێجەتا بەلاڤبوونا ڤایرۆسێ کۆرۆنایێ و قەدەغەیا هاتن و چوونێ پارڤەکرنا مووچەیێ مەها ١٢یێ سالا دەربازبووى راگرتیە و ب سستى برێڤە دچیت.