سەرنووچە:

موسەنا ئەمین: پارتی گومان ژ بەرهەم سالح هەبوو کو دەست د دانانا وەزیران دا هەبیت

فۆتۆ: 
2020-03-01

487 جار خوێندراوەتەوە

موسەنا ئەمین سەرۆکێ فراکسیۆنا یەکگرتوو ڕاگەهاند، پارتی گومان هەبوویە ژ وێ یەکێ کو بەرهەم سالح دەست د دانانا وەزیران دا هەبیت.

ئەڤرۆ شەمبیێ موسەنا ئەمین سەرۆکێ فراکسیۆنا یەکگرتوو د بەرنامەیێ تاوتوێ یێ ئێن ئاڕ تی دا ڕاگەهاند، "یەکڕێزیا کوردان ل بەغدا بۆ دوو بابەتانە، یەک ژ وان بۆ مافێن کوردانە ژ مووچە، پێشمەرگە، ماددەیێ١٤٠، جوتکاران، پشکا خوارنا مەهانە و دەرمان و...هتد، یا دی ژی بۆ پۆستانە کو ئەو ژی پارتی و یەکێتی بخۆنە، وەک وی دەمی کو بۆ بابەتێ سەرۆک کۆماریێ کرین".

بەحسا وێ یەکێ ژی کر، "ئەگەر بەحسا مافان دکەن ئەم یەکڕێزین، ژبەر کو زەرەر بۆ نەتەوەیێ مە دبیت، لێ دڤێت د پۆستان دا ژی مە یەکڕێزی هەبیت"، زەلالکر ژی، "ئەڤە ب دەڤ نیازپاقژن، لێ د ڕاستیێ دا وەسانینن".

گوت ژی، "عێراق د دەستێ کەسی دا نینە و ب کەسێ ژی بتنێ چێنابیت، هەر کەسەکێ باشبیت ژی دەما لسەر پۆستێ سەرۆک وەزیریێ بهێتەدانان پێدڤیە سەرەدەریێ دگەل گڤاشتنێن میلیشیایان و دەزگەهـ و کوتلەیێن سیاسی و جادەیێ و کورد و سونەیا بکەت".

س.م