سەرنووچە:

لاڤرۆڤ: چ سازشەکێ بۆ گرۆپێن چەکداریێن سوریایێ ناکەین

فۆتۆ: 
2020-02-28

198 جار خوێندراوەتەوە

وەزیری دەرڤەیێ روسیا راگەهاند، نابیت رێگری ل ئارتیشا سوریایێ بهێتە گرتن د جیبجیکرنا بریارێن جڤاتا ئەولەهیێ دا بۆ بنبرکرنا تیرۆرێ و چ تەنازولا بۆ گرۆپێن چەکداریێن سوریایێ ناکەین.

سێرگی لاڤرۆڤ وەزیری دەرڤەیێ روسیا د کونفرەنسەکێ رۆژنامەڤانی دا هەڤبەش دگەل وەزیرێ دەرڤەیێ لۆکسەمبورگێ راگەهاند، گرنگە بزاڤێن خۆ بکەینە ئێک بۆ ئارمکرنا رەوشا ئیدلبێ.

گوت ژى، ئەڤرۆ رەجەب تەیب ئەردۆغان پەیوەندیەکا تەلەفونی دگەل ڤلادیمێر پۆتین سەرۆکی روسیا ئەنجامدایە و  دەربارەى داوی پێشهاتێن ئیدلبێ ئاخفتینە.

هەروەسا گوت ژی، سەرۆکێن هەردوو ولاتان گۆتۆبێژ لسەر لهەڤهاتنەکا تایبەت ب ئیدلبێ کر، کو ب ئاوایەکێ گرەنتیا پاراستنا لەشکەرێن تورکیا ل سوریایێ بکەت و نابیت بهێنە کوشتن.

هەڤدەم وەزیرێ دەرڤەیێ لۆکسەمبورگێ ژى راگەهاند، بۆ ئەنجامدانا  پرۆسا لەشکەری بۆ ئیدلبێ، تورکیا چ داخواز ژ ناتۆیێ نەکرنە .