سەرنووچە:

فرسەت سۆفی: هەموو تۆهمەتبارێن دۆسیەیا وێ کچێ هاتن دەستەسەرکرن

فۆتۆ: 
2020-02-21

317 جار خوێندراوەتەوە

پارێزگارێ هەولێر راگەهاند، هەموو تۆهمەتبارێن دۆسیەیا وێ کچا هەشت سالی هاتنە دەستەسەرکرن و هەرکەسێ گەف ل بابێ وێ کچێ ژی کربیت دێ ب دژواری هێتە سزادان.

فرسەت سۆفی، پارێزگارێ هەولێر د کۆنگرەیەکێ رۆژنامەڤانی دا راگەهاند، "ئەوا کو جهێ دلگرانیا مەیە، ژبلی وێ یەکێ ، تۆهمەتبارێن دی یێن ڤێ دۆسیێ د قۆناغا ڤەکۆلینێ دا ب کەفالەت هاتنە ئازادکرن."

راگەهاند ژی، "سەرۆکێ حکومەت و هەرێم و وەزیرێ نافخۆ پەیوەندی ب من کرنە و تەکەز لسەر سزادانا تۆهمەتبارێن دۆسییەیا وێ کچێ کرنە."

ئاماژە کریە ژی ، "لسەر فەرمانا مەسرور بارزانی، سەرۆکێ حکومەتا هەرێما کوردستانێ، ئەڤرۆ پێنج تۆهمەتبار کو ناڤێن وان د دۆسییەیێ دا بوون، هاتنە دەستەسەرکرن."

گۆت ژی، "سەرۆکێ حکومەتێ بخۆ سەرپەرشتیا ڤی بابەتی دکەت و پشتراستیێ ژی ددەینە کەسوکارێن وێ کچێ و هەموو وەڵاتیان کو ب دادپەروەری دێ کەیس بڕێڤەچیت."

تەکەز ژی کریە "هەرکەسەک د هەر پلەیەکێ دا بیت و گەف ل بابێ وێ زارۆکێ کربیت ، هەوە پشتراست دکەین ب سزایێ دژوار یێ یاسایێ خۆ بگەهن."